Nkunga 39:1-13
Kuna kwa ntwadisi a nkunga; wa Yedutune.*+ Nkung’a Davidi.
39 Mpovele vo: “Itoma lunga-lunga e tambi yameYalembi sumuka muna lubini lwame.+
Isia nkaku muna nu’ame+
Ekolo kimpumbulu kena vava ngina.”
2 Nkitukidi baba, nkedi pi-i;+Kana nkutu muna diambu diambote ndingalele kwame,Kansi, ndunzi zame zisakidi.*
3 O ntim’ame uyangamene.*
Ekolo ngindwidi,* tiya tukweme.
I bosi mpovele vo:
4 “E Yave, unsadisa yazaya mbaninu ame,Ye tezo kia lumbu yame,+Kimana yazaya vo e zingu kiame kiankufi kikilu.
5 Kieleka, okufikidi e lumbu yame;*+O lambuka kwa zingu kiame, mpavala kwandi vana meso maku.+
Kieleka, wantu awonso, kana nkutu ndiona omonekene vo wasiama, mwaya kwandi.+ (Sela)
6 Kieleka, wantu awonso bekwendanga yo kwiza nze kini.*
Nkatu-nkatu befutunganga.*
Bewokesanga kimvuama, kansi ke bazeye ko kana nani ovuila kio nluta.+
7 Nki diaka ndenda vingila, e Yave?
Ngeye kaka i vuvu kiame.
8 Umpevola muna masumu mame mawonso.+
Kuyambula ko vo zowa kansakanena.
9 Ndingalele;Kilendele ziula nua ko,+
Kadi ngeye ovangidi wo.+
10 Katula e vuku eki untwasidi.
Ngioyele kadi koko kwaku kungwende.
11 Ngeye otumbanga muntu mu kuma kia bi wandi;+Ofwasanga lekwa ina keyangalelanga nze nselele.
Kieleka, wantu awonso mwaya kwandi.+ (Sela)
12 Wá sambu kiame, e Yave,Tamba matu muna kazu kiame.+
Kuvezi mansanga mame ko.
Kadi i nzenza kwa ngeye,+I munduti-a-nzila kwame, nze akulu ame awonso.+
13 Kuntadi kuna lusembo ko kimana yayangalalaEkolo kiayele ko yo vila.”
Mvovo vana yand'a lukaya
^ Tala Nsas’a Mvovo.
^ Yovo “ziyangumukini.”
^ Mvovo wa sina: “uyandukidi.”
^ Yovo “yavumukanga.”
^ Mvovo wa sina: “Okitwidi lumbu yame nze lambuka kwa koko.”
^ Yovo “ninga.”
^ Mvovo wa sina: “Mazu mankatu besianga.”
