Nkunga 141:1-10
Nkung’a Davidi.
141 E Yave, ibokele.+
Wiza nswalu, wansadisa.+
Winikina vava ikubokelanga.+
2 Yambula e sambu kiame kiakala vana ndose aku nze ndumbu+ yatoma kubikwa,+O moko mame mazanguka, makala nze lukau lwa mbwaza lwa masika.+
3 E Yave, sia nyingidi vana nu’ame,Sia nkengedi vana mwelo a befo yame.+
4 Kuyambula ko vo ntim’ame wavukumunua muna diambu diambi,+Yo vanga mambu mambi ye yimpumbulu;
Yalembi zola madia mau mambote.
5 Avo nsongi ungwende, ibadikila dio se vangu dia walakazi;+Avo unsembele, dikala se mazi ova ntu ame,+O ntu ame ke umenga mo ko.+
Ikwamanana samba kana nkutu muna mpasi zau.
6 Kana nkutu afundisi au batubilu kuna yenga,O nkangu usia e sungididi muna mvovo miame, kadi miambote.
7 Nze una o muntu kevatilanga o ntoto yo mwanganesa wo,I una e visi yeto imwanganeseno muna nu’a Ziami.*
8 Kansi meso mame kwa ngeye matadidi, e Yave wa Mfumu.+
Kwa ngeye kwina e tininu diame.
Kukatula moyo ame ko.*
9 Untanina muna ntambu bandekele,Muna masokolo ma wantu ambi.
10 Wantu ambi awonso bebwila kumosi muna makonde mau+Vo i mono, vuka ivuka.
Mvovo vana yand'a lukaya
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Kuyitila moyo ame ko.”
