Nkunga 91:1-16
91 Ndiona okala muna fulu kiaswekama kia Mpungu-nene+Osolola tininu muna kini kia Mpungu-ngolo.+
2 Ivova kwa Yave vo: “Ngeye u tininu diame ye swekameno diame,+Nzambi ame ona mbundidi e vuvu.”+
3 Kadi okuvuluza muna ntambu wa mbaki a nuni,Muna vuku kiamfwasi.
4 Okufuka ye* nsala zandi,Ngeye otinina kuna nsi a mave mandi.+
E ziku+ kiandi kikala se ngubu anene+ ye yaka kia lutaninu.
5 Kumona wonga wa vonza ya fuku ko,+Yovo nzanza zininga mu mwini,+
6 Ngatu vuku kizietanga muna tombe,Yovo lufwasu lufwasakesela muna mwini.
7 Funda bebwa vana ndambu akuMafunda kumi kuna koko kwaku kwalunene,Vo i ngeye, ke kikufinama ko.+
8 Omwena kio kaka muna mesoOkala se mbangi muna tumbu kia* yimpumbulu.
9 Kadi ovovele vo: “Yave i tininu diame,”Okitwidi Mpungu-nene se fulu kiaku kia zingila;*+
10 Ke vena mpasi ko zikulwakila,+Ngatu vuku kifinama saba kiaku.
11 Kadi okanikina e mbasi zandi+ mu kuma kiaku,Kimana zatanina muna nzila zaku zawonso.+
12 Bekunatina muna moko mau,+Kimana walembi wanda o kulu vana tadi.+
13 Odiata nkosi ye mpidi;Odiatakesa mwan’a nkosi ye nioka anene.+
14 Nzambi ovovele vo: “Wau vo zola kekunzolanga,* ikumvuluza.+
Ikuntanina kadi ozeye nkumbu ame.+
15 Okumbokela, mono ikuntambulwila.+
Muna ntangw’a mpasi ikala yandi.+
Ikumvuluza yo kunkembesa.
16 lkunsenda ye zingu kiandá,+Yo kumwesa mavangu ma mpuluz’ame.”*+
Mvovo vana yand'a lukaya
^ Yovo “Okukakidila muna.”
^ Mvovo wa sina: “muna nsendo a.”
^ Nanga, “nzo aku angolo; tininu diaku.”
^ Mvovo wa sina: “ungikamene.”
^ Yovo “kumwesa e mpuluz’ame.”
