Nkunga 59:1-17
Kuna kwa ntwadisi a nkunga; muna nkunga, “Kutwasi Lufwasu ko.” Nkung’a Davidi. Mikitame.* Vava Saulu katuma wantu balangidila e nzo a Davidi kimana bamvonda.+
59 Umpuluza muna mbeni zame, e Nzambi ame;+Untanina muna awana bantelamene.+
2 Umpuluza muna yimpumbulu,Umpuluza muna akwa nsoki.*
3 Tala, bankondelele;*+Akwa ngolo bandwanisiKe mu kuma kia sia ko vo kolama nkolamene ngatu sumuka, e Yave.+
4 Kana una vo kivangidi mbi ko, balundumukini yo kubama kimana bandwanisa.
Telama muna kuma kia kazu kiame, watala.
5 Kadi ongeye, e Yave wa Nzambi a vu, i Nzambi a Isaele.+
Sikama, wunikina e zula yawonso.
Kufwila ayekodi awonso nkenda ko.+ (Sela)
6 Bevutuka muna nkokela;+Bewuna* nze mbwa+ yo zieta muna mbanza.+
7 Wá mana mevaikanga* muna nua miau;E befo yau nga nsosolo,+Kadi bavovele vo: “Nani owá?”+
8 Vo i ngeye, e Yave, okubaseva;+Semba osemba e zula yawonso.+
9 E Nkum’ame, ngeye itadila;+Kadi Nzambi i tininu diame diasikila.*+
10 O Nzambi ona unsongele walakazi okwiza kunsadisa;+Nzambi okunsadisa yamona lufwasu lwa mbeni zame.+
11 Kubavondi ko kimana nkangu ame walembi vilakana.
Ubatungianisa muna nkum’aku;Yambula babwa, e Yave wa ngubu eto.+
12 Yambula babakama muna lulendo lwau,Mu kuma kia sumu dia nua miau ye mvovo mia lubini lwau,+Mu kuma kia sibu ye luvunu bevovanga.
13 Ubasukisa muna makasi maku;+Ubasukisa kimana bavila emvimba;Ubayambula bazaya wo vo Nzambi oyalanga muna Yakobo yakuna nsuk’a nza.+ (Sela)
14 Yambula bavutuka muna nkokela;Yambula bawuna* nze mbwa yo zieta muna mbanza.+
15 Yambula benda yungani mu vava lekwa kia dia;+Kuyambula ko bayukuta ngatu solola fulu kina bekala.
16 Vo i mono, iyimbidila nkum’aku;+Muna mene-mene isamuna walakazi waku ye kiese kiawonso.
Kadi ngeye u tininu diame diasikila+
Ye fulu kia tinina muna ntangw’a mpasi.+
17 E Nkum’ame, ngeye iyimbidila,+Kadi Nzambi i tininu diame diasikila, o Nzambi ona unsongele walakazi wandi.+
Mvovo vana yand'a lukaya
^ Tala Nsas’a Mvovo.
^ Yovo “muna abungudi a menga.”
^ Yovo “bakondelele moyo ame.”
^ Yovo “Bewoka.”
^ Yovo “belufanga.”
^ Yovo “diazanguka.”
^ Yovo “bawoka.”
