Nkunga 81:1-16
Kuna kwa ntwadisi a nkunga, muna Ngititi.* Nkung’a Asafi.+
81 Nuyengoloka ye kiese kuna kwa Nzambi wa nkum’eto.+
Nuyengolokela Nzambi a Yakobo.
2 Nubonga nkunga ye yingoma-ngoma,Kokolo kiambote ye nsambi.
3 Nusika e mpungi muna nzangam’a ngonde,+Vava e ngonde ilunga, muna lumbu kia nkinzi eto.+
4 Kadi i nsiku kuna kwa Isaele,I nzengo za Nzambi a Yakobo.+
5 Wasikidisa wo se nkanikinu kwa Yosefe+Vava kayenda nuanisa e nsi a Engipito.+
Yawa ndinga ina ndembele zaya:
6 “Mvevuele zitu vana vembo diandi;+Moko mandi mavevokele muna zitu dia kitunga.
7 Muna mpasi obokele, yakuvuluza;+Ivutulwidi muna mwandazi a tuti dia ndombe.*+
Itontele kuna maza ma Meriba.*+ (Sela)
8 Nuwá, e nkangu ame, ikunulukisa.
E Isaele, kele vo wangwila! +
9 Ke vekala nzambi anzenza ko vovo nuina,Kuvumbamena nzambi anzenza ko.+
10 Mono i Yave wa Nzambi aku,Ona wavaikisa muna nsi a Engipito.+
Toma ziula nu’aku, yazadisa wo ye madia.+
11 Kansi, nkangu ame ke wawa nding’ame ko;Isaele kazola kundemvokela ko.+
12 I dianu yayambulwila vo balanda ntima miau miabala;Bavanga dina bamona vo diambote.*+
13 Ekwe kele vo nkangu ame wangwila,+O Isaele kakangalela muna nzila zame!+
14 Nzaki yadi sakidika mbeni zauYo vilula koko kwame muna mbeni zau.+
15 Awana bemenganga Yave bezakama vana ndose andi,E mbaninu* au yakwele mvu.
16 Kansi, okudikila* yo masa* masundidi o wete+Yo kuyukutisa muna wiki wa tadi.”+
Mvovo vana yand'a lukaya
^ Tala Nsas’a Mvovo.
^ Ina ye nsasa vo: “Ntantani.”
^ Mvovo wa sina: “muna swekameno dia miandazi.”
^ Mvovo wa sina: “Bakangalela muna luludiku lwau.”
^ Mvovo wa sina: “ntangwa.”
^ Mvovo wa sina: “yandi,” i sia vo, nkangu a Nzambi.
^ Mvovo wa sina: “mazi ma.”
