Nkunga 84:1-12
Kuna kwa ntwadisi a nkunga; muna Ngititi.* Nkung’a wan’a Kora.+ Nkunga.
84 Ekwe ovienga kwa* saba kiaku kianene,+E Yave a vu!
2 O moyo ame umwene viangi,Elo, ngioyele muna lakukila
E yanzala ya Yave o moyo.+
O ntim’ame ye nitu ame iyengolokele ye kiese muna Nzambi amoyo.
3 E nuni nkutu isolwele mo e nzoYe mvengia osidi mo e nzialw’andi,Muna kelunga-lungila wan’andiVana ndambu a ziku diaku dianene, e Yave a vu,E Ntinu ame yo Nzambi ame!
4 Akwa kiese awana bezingilanga muna nzo aku!+
Bekwamanana kukembelela.+ (Sela)
5 Akwa kiese awana bevuilanga o nkuma muna ngeye,+Awana bena vo e nzila za nzo aku zina muna ntima miau.
6 Vava beviokela muna Ndimb’a Baka,*Bekitula wo se nto za maza;E mvula zantete zifuka wo* ye nsambu.
7 Bekangalela muna nkuma ye nkuma;+Konso muntu okuyisunzula vana ndose a Nzambi muna Zione.
8 E Yave wa Nzambi a vu, wá sambu kiame;Tamba matu, e Nzambi a Yakobo. (Sela)
9 Tala, ngubu+ eto, e Nzambi eto,*Tala e ndose a kuswa kiaku.+
10 Kadi e lumbu kimosi muna yanzala yaku kisundidi o wete lutila funda dia lumbu muna fulu yankaka!+
Nsolele sadila* vana mwelo a nzo a Nzambi ameKe mu kala muna saba ya umpumbulu ko.
11 Kadi o Yave wa Nzambi i ntangwa+ ye ngubu;+Ovananga e dienga yo nkembo.
Yave ke yimina konso lekwa kiambote koKw’awana bekangalelanga kuna ziku.+
12 E Yave a vu,Nkwa kiese o muntu okubundanga e vuvu.+
Mvovo vana yand'a lukaya
^ Tala Nsas’a Mvovo.
^ Yovo “nzolwa kiatoma zolwa e.”
^ Nanga, “O nlongi uyifukidi.”
^ Yovo “muna ndimb’a nti mia Baka.
^ Nanga, “Tala e ngubu eto, e Nzambi.”
^ Mvovo wa sina: “telama.”
