Nkunga 86:1-17
Sambu kia Davidi.
86 Tamba o matu,* e Yave, umpana e mvutu,Kadi mu mpasi ngina yo sukama.+
2 Lunga-lunga moyo ame, kadi i munkwikizi.+
Vuluza selo kiaku ona ubundidi e vuvu,Kadi u Nzambi ame.+
3 Umfwila e nkenda, e Yave,+Kadi kwa ngeye ibokelanga e lumbu kiamvimba.+
4 Mwesa selo kiaku* e kiese,Kadi kwa ngeye ikiyekwele,* e Yave.
5 Kadi ngeye, e Yave, wambote,+ wakubama muna loloka;+O wakalazi waku wayingi kw’awonso bekubokelanga.+
6 E Yave, wá sambu kiame;Tamba o matu muna ndodokela zame.+
7 Muna lumbu kia mpasi zame ikutâtila,+Kadi ngeye okumpana mvutu.+
8 Kavena ona ofwanane yaku ko vana vena zinzambi, e Yave,+Kavena mavangu ko mafwanane yo maku.+
9 E Yave, e zula yawonso wavangaIkwiza fukama vana ndose aku,+Ikembelela nkumbu aku.+
10 Kadi ngeye u nene, ovanganga mambu masivi;+Ngeye kaka i Nzambi.+
11 E Yave, undonga e nzil’aku.+
Ikangalela muna ludi kiaku.+
Sikidisa ntim’ame* kimana yavumina e nkumbu aku.+
12 E Yave wa Nzambi ame, ikusanisina ye nsi a ntima wawonso,+Ikembelela nkumbu aku yakwele mvu,
13 Kadi walakazi waku wanene kwa mono,Ovulwizi moyo ame muna Ziami* kiakoboka.+
14 E Nzambi, akwa lulendo bantelamene;+Buka kia yimpumbulu bevavanga kumponda,Ke bekuvuanga mfunu ko.*+
15 Vo i ngeye, e Yave u Nzambi a nkenda ye ngemba,Kufunganga makasi mu nzaki ko, ozele yo walakazi ye ziku.*+
16 Viluka kwa mono kimana wamfwila e nkenda.+
Vana nkuma kwa selo kiaku,+Yo vuluza mwan’a ntaudi aku a nkento.
17 Unsonga e sinsu* kia wete waku,Kimana awana bekumbenganga bamona kio yo fusuka nsoni.
Kadi ngeye, e Yave, u nsadisi yo mfiaulwisi ame.
Mvovo vana yand'a lukaya
^ Yovo “Kuluka, wangwa.”
^ Yovo “moyo a selo kiaku.”
^ Yovo “nzangwidi moyo ame.”
^ Yovo “Umpana ntima mosi.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Ke bekusianga vana ndose zau ko.”
^ Yovo “ludi.”
^ Yovo “ziku.”
