Nkunga 119:1-176

  • Luyangalalu muna diambu dia ntalu dia Nzambi

    • ‘E matoko aweyi balenda velelesela e ngienda zau?’ (9)

    • “Malongi maku i luyangalalu lwame” (24)

    • “E diambu diaku i vuvu kiame” (74, 81, 114)

    • “Ekwe nzola nzolele nsiku aku!” (97)

    • “Nsundidi umbakuzi ke mu alongi ame awonso ko” (99)

    • “E diambu diaku i mwinda wa tambi yame” (105)

    • ‘E ludi i nsabi za diambu diaku’ (160)

    • Luvuvamu kw’awana bezolanga nsiku a Nzambi (165)

א [Alefe] 119  Akwa kiese awana bakondelo tumbu* muna ngienda zau,Ana bekangalelanga muna nsiku a Yave.+  2  Akwa kiese awana belundanga tuludiku twandi,+Awana bekumvavanga ye ntima wawonso.+  3  Ke bevanganga vilwa ko;Bekangalelanga muna nzila zandi.+  4  Ngeye wakanikinaVo malongi maku matoma lundwa.+  5  Ekwe kele vo yakala ngingi*+Kimana yalemvokela e nkanikinu miaku!  6  Ozevo kimona nsoni ko+Muna lemvokela e nkanikinu miaku miawonso.  7  Kembelela ikukembelela muna ntim’a unsongiAvo ndongokele nzengo zaku zansongi.  8  Lunda ilunda mîna miaku. Kungiambula nkutu ko. ב [Bet]  9  E toko aweyi kalenda velelesela nzila zandi? Muna sianga e sungididi yo kangalela mun’owu wa diambu diaku.+ 10  Ikuvavanga ye ntim’ame wawonso. Kuyambula ko vo yavengomoka muna nkanikinu miaku.+ 11  Ndundidi e mvovo miaku muna ntim’ame+Kimana yalembi kusumukina.+ 12  Yambula wakembelelwa, e Yave;Undonga mîna miaku. 13  Muna befo yame nsamwiniE nzengo zawonso zina ozengele. 14  Ndutidi yangalela tuludiku twaku+Ke mu lekwa yawonso yantalu ko.+ 15  Badika ibadika* e nkanikinu miaku+Yo tala e nzila zaku.+ 16  Ntomene yangalela mîna miaku. Kivilakana diambu diaku ko.+ ג [Ngimele] 17  Songa e ngemba kwa selo kiaku,Kimana yazinga yo lunda e diambu diaku.+ 18  Temona meso mame kimana yatoma monaMambu masivi ma nsiku aku. 19  I nzenza kwame mwamu nsi.+ Kunsweki nkanikinu miaku ko. 20  O zola kwame muna nzengo zakuKukumvempola* ntangwa zawonso. 21  Osembanga akwa lulendo,Ana basibwa wau bevengomokanga muna nkanikinu miaku.+ 22  Katula lusembo yo luvezo oku ngina,*Kadi ndundidi tuludiku twaku. 23  Kana nkutu vava akuluntu bevuandanga kumosi yo kungika,E selo kiaku obadikanga* mîna miaku. 24  O malongi maku i luyangalalu lwame;+O tuludiku twaku i alongi ame.+ ד [Dalete] 25  Mvumbamene* vana ntoto.+ Ungiambula yazinga mun’owu wa diambu diaku.+ 26  Izayisi nzila zame, ongeye umpene mvutu;Undonga mîna miaku.+ 27  Umbakulwisa e* nkanikinu miaku,Kimana yabadika* mavangu maku masivi.+ 28  Kilekanga ko* mu kuma kia ntantu zasaka. Unkumika mun’owu wa diambu diaku. 29  Katula e nzil’a luvunu ova ngina,+Unsonga dienga, undonga nsiku aku. 30  Nsolele nzil’a ziku.+ Nzeye wo vo e nzengo zaku za nsongi. 31  Itatidilanga tuludiku twaku.+ E Yave, kungiambula ko yafusuka e nsoni.+ 32  Landa ilanda e* nzil’a nkanikinu miaku ye tima diawonsoKadi okubikidi mio e fulu mu ntim’ame.* ה [He] 33  E Yave,+ undonga nzil’a mîna miaku,Landa ilanda yo yakuna mbaninu.+ 34  Umpana umbakuzi,Kimana yalunda o nsiku akuYo lunda wo ye ntim’ame wawonso. 35  Umfila* muna nzil’a nkanikinu miaku,+Kadi i mwau mwina o luyangalalu lwame. 36  Sia ntim’ame muna mîna miaku,Ke mu loko ko.*+ 37  Vengomona meso mame muna tala mambu makondwa mfunu,+Yambula yakala moyo muna nzil’aku. 38  Lungisa nsilu* una wasia kwa selo kiaku,Kimana kavumina.* 39  Unkatula e nsoni zina mbwenene wonga,Kadi e nzengo zaku zambote.+ 40  Tala nzola nzolele malongi maku. Ungiambula yazinga mun’owu wa unsongi waku. ו [Wau] 41  E Yave, unsonga walakazi waku,+E mpuluz’aku mun’owu wa nsilu* aku;+ 42  I bosi, ivana mvutu kwa ndiona okunsembanga,Kadi nsidi e vuvu muna diambu diaku. 43  Kukatula diambu dialudi ko mu nu’ame,Kadi nzengo zaku nsidi e vuvu.* 44  Lunda ilunda o nsiku aku ntangwa zawonso,Yamu mvu ya mvu.+ 45  Idiatila vana fulu kiavuvama,*+Kadi mpavidi malongi maku. 46  Vovela ivovela tuludiku twaku vana vena atinu,Kimweswa nsoni ko.+ 47  E nkanikinu miaku i luyangalalu lwame,Elo, ntomene mio zola.+ 48  Izangula moko mame kimana yasamba mu kuma kia nkanikinu miaku, mina izolanga,+Yo yindula* mîna miaku.+ ז [Zayine] 49  Yindula nsilu* aku kwa selo kiaku,Una wampanina e vuvu.* 50  Olwalu i lufiaulwisu muna mpasi zame,+Kadi muna diambu diaku nginina moyo. 51  Akwa lulendo basakisi kunsemba,Kansi, kivengomokene muna nsiku aku ko.+ 52  Ngindwidi nzengo zaku za nz’ankulu,+ e Yave,Zikumfiaulwisanga.+ 53  Mbwene kikilu makasi mu kuma kia yimpumbulu,Ana bebembolanga nsiku aku.+ 54  E mîna miaku i nkunga iyimbilangaKonso vana ngina.* 55  Muna fuku iyindulanga e nkumbu aku, e Yave,+Kimana yalunda nsiku aku. 56  E kiaki i fu kiame,Kadi ilemvokelanga e nkanikinu miaku. ח [Hete] 57  Yave i kunku kiame;+Nsidi nsilu wa lunda e mvovo miaku.+ 58  Idodokele* ye ntim’ame wawonso;+Umfwila e nkenda+ mun’owu wa nsilu* aku. 59  Ifimpanga nzila zame,Kimana yavutula tambi yame muna tuludiku twaku.+ 60  Nsidi nswalu, kizingidi koMuna lunda nkanikinu miaku.+ 61  E nsinga mia yimpumbulu minzingalakene,Kansi kivilakene nsiku aku ko.+ 62  Ivumbukanga muna dingi-dingi yo kuvana matondo+Muna nzengo zaku zansongi. 63  I nkundi a wantu awonso ana bekuvuminangaYe awana belundanga nkanikinu miaku.+ 64  E Yave, e nza izele yo walakazi waku;+Undonga e mîna miaku. ט [Tete] 65  Osongele ngemba kwa selo kiakuE Yave, mun’owu wa diambu diaku. 66  Undonga umbakuzi yo zayi,+Kadi nsidi e vuvu muna nkanikinu miaku. 67  Vitila yamweswa e mpasi, yavengomokanga,*Kansi owau ndundidi mvovo aku.+ 68  Ongeye wambote,+ mavangu maku mambote. Undonga mîna miaku.+ 69  Akwa lulendo bamvunini mambu,Kansi, ndundidi malongi maku ye ntim’ame wawonso. 70  E ntima miau miabala,*+Vo i mono, nsiku aku i luyangalalu lwame.+ 71  Diambote wau mbweseso e mpasi,+Kimana yalongoka nkanikinu miaku. 72  O nsiku una osamwini wambote kwa mono,+Ulutidi o wete ke mu mafunda ma wolo ye palata ko.+ י [Yode] 73  Moko maku mansema yo kumpanga. Umpana umbakuzi,Kimana yazaya e nkanikinu miaku.+ 74  Awana bekuvuminanga, bamwene kiese wau bambwene,Kadi e diambu diaku i vuvu kiame.*+ 75  E Yave, nzeye wo vo nzengo zaku zansongi,+Ngeye umbwesese mpasi muna ziku kiaku.+ 76  Dodokolo, yambula walakazi waku+ wamfiaulwisa,Mun’owu wa nsilu* wasila ntaudi aku. 77  Umfwila e nkenda, kimana yakala moyo,+Kadi nsiku aku i luyangalalu lwame.+ 78  Yambula akwa lulendo bafusuka e nsoni,Kadi bambwesese mpasi kondwa kuma.* Kansi, badika ibadika* malongi maku.+ 79  Awana bekuvuminanga yambula bavutuka oku ngina,Awana bazeye mîna miaku. 80  Yambula ntim’ame wakondwa lusembo muna lemvokela mîna miaku,+Kimana yalembi fusulwiswa e nsoni.+ כ [Kafe] 81  Mpuluz’aku ilakukilanga o moyo,+Kadi muna diambu diaku i nsidi e vuvu.* 82  O meso mame mvovo aku melakukilanga moyo+Wau mpovele vo: “Nkia ntangwa okumfiaulwisa e?”+ 83  Kadi nkitukidi nze díla dia nkand’a bulu diyumini vana mwisi,Kansi, kivilakene nkanikinu miaku ko.+ 84  Lumbu kwa kafwete vingila selo kiaku? Nkia ntangwa ofundisa awana bekumbangikanga?+ 85  Akwa lulendo ana batelamene nsiku aku,Bantimini e wulu. 86  E nkanikinu miaku miawonso vuvu mibundwanga. O wantu bambangikidi kondwa kuma; unsadisa!+ 87  Fioti fiasala nga bansukisa ova ntoto,Kansi omono kiyambwidi malongi maku ko. 88  Yambula yazinga mu kuma kia walakazi waku,Kimana yalunda tuludiku tuna wayika. ל [Lamede] 89  Yakwele mvu, e Yave,E diambu diaku disikila kuna zulu.+ 90  E ziku kiaku kia mbandu zawonso.+ Wasikidisa ntoto kimana wasiama.+ 91  Muna mfundisa zaku, lekwa* yakinu yamu unu,Kadi lekwa yawonso i selo kiaku. 92  Kele vo kiazola nsiku aku ko,Nga yafwa muna mpasi zame.+ 93  Kivilakana nkanikinu miaku ko,Kadi i mûna untanini kimana yakala moyo.+ 94  Omono kwa ngeye mvuilu; umpuluza,+Kadi nkanikinu miaku ivavanga.+ 95  E yimpumbulu bavavidi kumponda,Kansi, nsidi sungididi muna mîna miaku. 96  Mbwene vo o lunga kwawonso kuna ye tezo,Kansi nkanikinu aku ke una ye tezo ko.* מ [Meme] 97  Ekwe mpila nzolele nsiku aku!+ Lumbu kiawonso iyindulanga* wo.+ 98  Nkanikinu miaku minkitwidi se nkwa ngangu ke mu mbeni zame ko,+Kadi mina yame ntangwa zawonso. 99  Nsundidi umbakuzi ke mu alongi ame awonso ko,+Kadi iyindulanga* tuludiku twaku. 100  Ndutidi anunu muna umbakuzi,Kadi nkanikinu miaku ilundanga. 101  Kikangalela muna nzila yambi ko,+Kimana yalunda diambu diaku. 102  Kivengomokene muna nzengo zaku ko, Kadi ngeye undongele. 103  Ekwe zenza izenzele mvovo miaku ova lubini lw’ame,Milutidi wiki o zenza muna nu’ame!+ 104  Muna malongi maku i nginina ye umbakuzi,+Idianu mbengene ngienda zawonso za luvunu.+ נ [Nune] 105  E diambu diaku i mwinda wa tambi yame,Yo ntemo a nzila zame.+ 106  Ndidi e ndofi, lungisa ilungisa yo,Kimana yalunda nzengo zaku zansongi. 107  Mbweseso kikilu e mpasi.+ E Yave, ungiambula yazinga mun’owu wa diambu diaku.+ 108  E Yave, do, tambula tukau twame twamvevo,*+Undonga nzengo zaku.+ 109  E zingu kiame mu vonza kaka kina,*Kansi kivilakene nsiku aku ko.+ 110  E yimpumbulu bandekel’e ntambu,Kansi kivengomokene muna malongi maku ko.+ 111  O tuludiku twaku i vua diame diakwele mvu,Kadi i luyangalalu lwa ntim’ame.+ 112  Mbakidi nzengo* za lunda mîna miakuNtangwa zawonso, yakuna mbaninu. ס [Sameke] 113  Mbengene akwa ntim’a vilu-vilu,*+Kansi nzolele o nsiku aku.+ 114  U swekameno diame ye ngubu ame,+Kadi muna diambu diaku nsidi e vuvu.*+ 115  Nukatuka oku ngina, yeno yimpumbulu,+Kimana yalunda nkanikinu mia Nzambi ame. 116  Unsadisa wauna wasia nsilu,*+Kimana yakala kaka o moyo;Kuyambula ko yafusuka e nsoni mu kuma kia vuvu kiame.+ 117  Unsadisa kimana yavuluzwa;+I bosi, isia sungididi muna mîna miaku.+ 118  Obembwele awonso ana bavengomokene mîna miaku,+Kadi akwa luvunu ye mpuki. 119  Ovetele yimpumbulu yawonso ya nza nze mvindu.+ Kiaki i kuma nzolele tuludiku twaku. 120  E nitu ame ikankumukini mu kuma kia wonga waku;Ivuminanga nzengo zaku. ע [Ayine] 121  Ivanganga oma mambote ye mansongi. Kungiambula ko vana moko m’awana bekumbangikanga! 122  Yambula mambu mawonso ma selo kiaku masikila;Kuyambula ko vo akwa lulendo bambangika. 123  Meso mame mayoyele muna vingila mpuluz’aku+Ye ndungan’a nsilu* aku ansongi.+ 124  Songa walakazi waku kwa ntaudi aku,+Undonga e mîna miaku.+ 125  Mono i ntaudi aku; umpana umbakuzi,+Kimana yazaya tuludiku twaku. 126  Ifwene ntangwa kasikidisa o Yave muna kubatumba,+Kadi bakulwidi o nsiku aku. 127  I kuma nzolele nkanikinu miakuKe mu wolo ko, kana nkutu wolo wakenzwa.+ 128  Dianu vo, ibadikilanga malongi maku mawonso vo mansongi;+Mbengene ngienda zawonso za luvunu.+ פ [Pe] 129  O tuludiku twaku twasivi. I kuma ndundidi to. 130  Lusengomoko lwa mambu maku, ntemo lutwasanga,+Yo vana umbakuzi kwa minkondwa ngangu.+ 131  Mbatwini nua yo vumuka,Kadi ndakukilu nkanikinu miaku moyo.+ 132  Viluka kwa mono, umfwila e nkenda,+Mun’owu wa nzengo zaku kw’awana bazolele nkumbu aku.+ 133  Sikidisa ntambi zame muna mvovo aku;Kuyambula ko vo mbi yangiala.+ 134  Umpuluza* vana moko ma abangiki,I ndunda ilunda nkanikinu miaku. 135  Temesa ndose aku kwa selo kiaku,+Undonga mîna miaku. 136  O meso mame mebetomokanga mansangaKadi wantu ke belundanga nsiku aku ko.+ צ [Tsade] 137  Ngeye Yave, wansongi,+E nzengo zaku mpe zansongi.+ 138  O tuludiku wavana twansongi,Vuvu kikilu tubundwanga. 139  O vema kwame kumvempwele,+Kadi e mbeni zame bavilakene mvovo miaku. 140  O mvovo aku wavelela kikilu,+E selo kiaku ozolele wo.+ 141  Kuna kw’akaka kina mfunu ko, vezwa ivezwanga;+Kansi, kivilakene nkanikinu miaku ko. 142  Unsongi waku, unsongi wakwele mvu,+O nsiku aku i ludi.+ 143  Kanele vo mpasi ye ntantu zinduakidi,Yakinu zola nkanikinu miaku. 144  O tuludiku twaku twansongi yakwele mvu. Umpana umbakuzi+ kimana yakwamanana zinga. ק [Kofe] 145  Mbokele ye ntim’ame wawonso. E Yave, umpana e mvutu. Lunda ilunda e mîna miaku. 146  Ibokele; umpuluza! Lunda ilunda tuludiku twaku. 147  Vitila kuma kwakiá nsikamene yalomba lusadisu,+Kadi muna diambu diaku nsidi e vuvu.* 148  O meso mame matemokene vitila ngingil’a fuku,Kimana yatoma yindula* e mvovo miaku.+ 149  Wa nding’ame muna walakazi waku.+ E Yave, ungiambula yazinga mun’owu wa unsongi waku. 150  Awana bakivene muna mavangu ma nsoni, yambula bafinama;Kwanda bena yo nsiku aku. 151  E Yave, lukufi wina yo mono,+E nkanikinu miaku miawonso mialudi.+ 152  Yalongoka tuludiku twaku tuka kolo,Tuna wasikidisa kimana twakala yakwele mvu.+ ר [Rese] 153  Tala e mpasi zame, umpuluza,+Kadi kivilakene nsiku aku ko. 154  Untanina* yo kumpuluza;+Ungiambula yazinga mun’owu wa nsilu* aku. 155  O luvuluzu lwavavuka yimpumbulu,Kadi ke bevavanga mîna miaku ko.+ 156  E Yave, e nkenda zaku zayingi.+ Ungiambula yazinga mun’owu wa unsongi waku. 157  Abangiki ye mbeni zame engi;+Kansi kivengomokene tuludiku twaku ko. 158  Ntadidi akwa luvunu kuna luvezo,Kadi ke belemvokelanga mvovo aku ko.+ 159  Tala e nzola nzolele nkanikinu miaku! E Yave, ungiambula yazinga mu kuma kia walakazi waku.+ 160  E diambu diaku i ludi,+E nzengo zaku zawonso zansongi zikala kaka yakwele mvu. ש [Sin] yovo [Sine] 161  Akuluntu bambangikidi+ kondwa kuma,Kansi o ntim’ame uvuminanga mambu maku.+ 162  Mbwenene diambu diaku e kiese+Nze muntu obakidi sanzu diayingi. 163  Mbengene luvunu—mbwenene lo ngemi+— Nzolele nsiku aku.+ 164  Nkumbu nsambwadi ikusanisinanga muna lumbuKadi e mfundisa zaku zansongi. 165  Awana bezolanga nsiku aku, mu luvuvamu mvimba bena;+Ke vena diambu ko dilenda kubatesesa sakuba.* 166  E Yave, nsidi e vuvu muna luvuluzu lwaku,Yo lunda nkanikinu miaku. 167  Ndundidi o tuludiku twaku,Nzolele to kikilu.+ 168  Ndundidi nkanikinu ye tuludiku twaku,Kadi ozeye mawonso ivanganga.+ ת [Tau] 169  E Yave, e kazu kiame kilweke kwa ngeye.+ Umpana umbakuzi mun’owu wa diambu diaku.+ 170  Yambula ndodokel’ame yalwaka koko wina. Umpuluza, wauna wasila o nsilu.* 171  Yambula e befo yame yazala ye lusanisinu,+Kadi undongele mîna miaku. 172  Yambula lubini lwame lwayimbila mvovo miaku,+Kadi e nkanikinu miaku miawonso miansongi. 173  Yambula koko kwaku kwakala kwakubama muna kunsadisa,+Kadi nsolele lemvokela nkanikinu miaku.+ 174  Ilakukilanga e mpuluz’aku o moyo, e Yave,Nsiku aku i luyangalalu lwame.+ 175  Yambula yakala moyo kimana yakembelela;+E nzengo zaku zansadisa. 176  Mpengomokene nze meme diavila.+ Vava e selo kiaku,Kadi kivilakene nkanikinu miaku ko.+

Mvovo vana yand'a lukaya

^ Yovo “bena ye kwikizi.”
^ Mvovo wa sina: “Ekwe kele vo nzila zame zatoma sikidiswa.”
^ Yovo “Longoka ilongoka.”
^ Mvovo wa sina: “Kudianga moyo ame.”
^ Mvovo wa sina: “ova ntandu ame.”
^ Yovo “olongokanga.”
^ Yovo “Moyo ame uvumbamene.”
^ Mvovo wa sina: “nzila za.”
^ Yovo “yalongoka.”
^ Yovo “Moyo ame ke ulekanga ko.”
^ Mvovo wa sina: “Lundumuka ilundumuka muna.”
^ Nanga, “Kadi oyambwidi vo ntim’ame wakala ye vuvu.”
^ Yovo “Undiatisila.”
^ Yovo “Ke mu vava nluta ko.”
^ Yovo “mvovo.”
^ Nanga, “Mina wasila kw’awana bekuvuminanga.”
^ Yovo “mvovo.”
^ Yovo “ivingilanga.”
^ Yovo “kiasanzuka.”
^ Yovo “longoka.”
^ Yovo “mvovo.”
^ Yovo “Una wamvingidisila.”
^ Yovo “Muna nzo ikalanga se nzenza.”
^ Yovo “Ndembekele (mpavidi tusevo twa) ndose aku.
^ Yovo “mvovo.”
^ Yovo “yasumukanga lembi wo kana.”
^ Mvovo wa sina: “miakangama nze mazi.”
^ Yovo “Kadi ivingilanga e diambu diaku.”
^ Yovo “mvovo aku.”
^ Nanga, “muna luvunu.”
^ Yovo “longoka ilongoka.”
^ Yovo “Kadi diambu diaku ivingilanga.”
^ I sia vo, nsem’aku wawonso.
^ Mvovo wa sina: “wayalangana kikilu.”
^ Yovo “ilongokanga.”
^ Yovo “ilongokanga.”
^ Mvovo wa sina: “tukau twamvevo twa nu’ame.”
^ Yovo “O moyo ame una ova koko kwame ntangwa zawonso.”
^ Mvovo wa sina: “Nsidi tima dia.”
^ Yovo “akwa nyindu miole.”
^ Yovo “Kadi diambu diaku ivingilanga.”
^ Yovo “mun’owu wa mvovo aku.”
^ Yovo “mvovo.”
^ Mvovo wa sina: “Unkûla.”
^ Yovo “Kadi diambu diaku ivingilanga.”
^ Yovo “longoka.”
^ Yovo “Tala mfundu ame.”
^ Yovo “mvovo.”
^ Yovo “Kuna kwa yau, ke vena tadi dia sakuba ko.”
^ Yovo “mun’owu wa mvovo aku.”