Nkunga 80:1-19
Kuna kwa ntwadisi a nkunga; muna “Mvuma za Lenge-lenge.” Luyindulu. Nkung’a Asafi.+ Nkunga.
80 E Mvungudi a Isaele, tamba o matu,Ngeye ofilanga Yosefe nze kambi.+
Ngeye ovuende vana ntandu* a akelubi,+Kezima kwaku.*
2 Vana ndose a Eferaime, Benyamini yo Manase,Yangumuna nkum’aku;+Wiza watuvuluza.+
3 E Nzambi, utusonga diaka e dienga;+Yambula e ndose aku yakezima oku twina kimana twavuluzwa.+
4 E Yave wa Nzambi a vu, yamu nkia kolo omwena sambu ya nkangu aku makasi e?+
5 Okubadikilanga muna mbolo ya mansanga,Yo kubanuika ulolo wa mansanga.
6 Oyambwidi vo e mfinangani zeto banuana mu kuma kieto;
Mbeni zeto bakwamanene kutusakanena wauna bazolele.+
7 E Nzambi a vu, utusonga diaka e dienga;Yambula e ndose aku yakezima oku twina kimana twavuluzwa.+
8 Okatwidi nsinga mosi wa vinyu+ muna Engipito.
Oyingidi e zula muna nsi au, okunini wo.+
9 Okubikidi wo e fulu,Umenene mianzi yo lungila e nsi.+
10 E kini* kiandi kifukidi e miongo,E tayi yandi ifukidi e nsedele za Nzambi.
11 E tayi yandi ilweke yakuna kalunga,E tayi yandi yakete yakuna Nzadi.*+
12 Ekuma obwisidi e yaka ya matadi ya mpatu a vinyu,+Kimana awonso beviokanga bavela e bundu yandi?+
13 E ngulu za mfuta zifwasidi wo,E mbizi za mfuta zididi wo.+
14 E Nzambi a vu, dodokolo, vutuka.
Tala tuka kuna zulu, wamona!
Lunga-lunga e nsinga wau wa vinyu,+
15 E tayi kiakunua* kwa koko kwaku kwalunene,+Yo mwana ona* wakikumikina.+
16 Kiyokelo muna tiya,+ kizengelo.
O nkangu ufwididi muna lusembo lwaku.*
17 Yambula koko kwaku kwasadisa muntu una kuna lunene lwaku,E mwan’a muntu ona okumikini muna kuma kiaku.+
18 Dianu vo, oyeto ke tukuyambula ko.
Yambula twakala o moyo kimana twavovela nkumbu aku.
19 E Yave wa Nzambi a vu, utusonga diaka e dienga;Yambula e ndose aku yakezima oku twina kimana twavuluzwa.+
Mvovo vana yand'a lukaya
^ Nanga, “vana kati kwa.”
^ Yovo “Temesa ntemo aku.”
^ Yovo “ninga.”
^ I sia vo, Uferate.
^ Yovo “O nsing’a vinyu wakunua.”
^ Yovo “tayi kina.”
^ Mvovo wa sina: “muna tumbu kia ndose aku.”
