Nkunga 4:1-8
Kuna kwa ntwadisi a nkunga; muna masikilu ma nsinga. Nkung’a Davidi.
4 Avo mbokele, untambulwila, e Nzambi ame ansongi.+
Untetela e nzila* muna mpasi zame.
Unsonga e dienga, wá sambu kiame.
2 E wan’a wantu, yamu nkia kolo nuveza o zitu wame?
Yamu nkia kolo nuzola mambu makondwa o mfunu yo vava mambu maluvunu? (Sela)
3 Nuzaya wo vo Yave otoma lunga-lunga munkwikizi andi;*Yave okungwa avo imbokele.
4 Numona makasi, kansi ke nusumuki ko.+
Nuvova muna nsi a ntima mieno, vana mfulu zeno, nudingalala. (Sela)
5 Nutambika yimenga ya unsongi,Nubunda e vuvu muna Yave.+
6 Ndonga bavovele vo: “Nani okutuvana lekwa yambote?”
E Yave, yambula ntemo a ndose aku watutemena.+
7 Ozadisi ntim’ame ye kieseLutila kiese kia awana bena ye masa mayingi ye vinyu yampa.
8 Lavalala ilavalala yo leka kuna luvuvamu,+Kadi ngeye kaka, e Yave okunzingisanga mu luvuvamu.+
Mvovo vana yand'a lukaya
^ Mvovo wa sina: “Unsanzulwila e fulu.”
^ Yovo “ovana o zitu kwa munkwikizi andi; okuyivaulwila munkwikizi andi.”
