Nkunga 143:1-12
Nkung’a Davidi.
143 E Yave, wá sambu kiame;+Wunikina ndodokela zame.
Umpana mvutu mun’owu wa ziku ye unsongi waku.
2 Kukoti mu mfundu yo ntaudi aku ko,Kadi ke vena muntu amoyo ko olenda kala nkwa unsongi vovo wina.+
3 Kadi o mbeni okumbangikanga;Okosomwene moyo ame vana ntoto.
Unkomekene yakala muna tombe nze wantu ana bafwa se kolo.
4 O mwand’ame* uyoyele;+O ntim’ame utungamene.+
5 Iyindulanga e lumbu yankulu;Ibadikanga mavangu maku mawonso;+Iyindulanga* e salu ya moko maku.
6 Nzangwidi moko mame kwa ngeye;Ngina nze nsi yayuma ina ye vuina diaku.+ (Sela)
7 E Yave, umpana mvutu mu nzaki;+O nkum’ame* ufokokele.+
Kunsweki ndose aku ko,+Avo ke wau ko, ikituka nze awana bekulumukanga muna wulu.*+
8 Ungiambula yawá oma ma walakazi waku konso mene,Kadi ngeye nsidi e vuvu.
Unsonga e nzila mfwete kangalela,+Kadi kwa ngeye ntinini.*
9 E Yave, umpuluza vana moko ma mbeni.
Ivavanga lutaninu lwaku.+
10 Undonga yavanga luzolo lwaku,+Kadi ngeye i Nzambi ame.
Mwand’aku wambote;Yambula wamfila muna fulu kialelama.*
11 E Yave, ungiambula yakala moyo mu kuma kia nkumbu aku.
Muna unsongi waku, umpuluza* muna mpasi.+
12 Muna walakazi waku, sukisa* e mbeni zame;+Fwasa awonso ana bekumbangikanga,*+Kadi i selo kiaku.+
Mvovo vana yand'a lukaya
^ Yovo “O nkum’ame.”
^ Yovo “Ilongokanga.”
^ Mvovo wa sina: “O mwand’ame.”
^ Yovo “ziami.”
^ Yovo “Kadi ngeye mbokele.”
^ Yovo “muna nsi ya unsongi.”
^ Yovo “vuluza moyo ame.”
^ Mvovo wa sina: “Butika e nua mia.”
^ Yovo “bemwesanga moyo ame mpasi.”
