Nkunga 6:1-10
Kuna kwa ntwadisi a nkunga; uyimbidilwa muna masikilu ma nsinga mialekama muna Seminite.* Nkung’a Davidi.
6 E Yave, kunsembela muna makasi maku ko,Kuntumbila muna nsita zaku ko.+
2 Umfwila e nkenda, e Yave, kadi ntovokele.
Unsasula, e Yave,+ kadi e visi yame ititilanga.
3 Elo, ngiangamene kikilu o ntima,+Iyuvuidi, e Yave—yamu nkia kolo?+
4 E Yave, vutuka wampuluza;+Umpuluza mu kuma kia walakazi waku.+
5 Kadi kuna lufwa ke kuna muntu ko okuvovela;*Nani okukembelela muna Ziami?*+
6 Ngioyele muna vûmuka kwame;+Fuku wawonso nzadisi e mfulu ame ye mansanga;*Ngiondelekele mfulu ame ye mansanga.+
7 Meso mame makobokele mu kuma kia ntantu;+Mabukamene tombe* mu kuma kia wantu awonso bekumbangikanga.
8 Nukatuka vava ngina, yeno yimpumbulu yawonso,Kadi Yave owá nding’a dilu kiame.+
9 Yave owá ndodokel’ame;+Yave otambulwila sambu kiame.
10 E mbeni zame zawonso befusulwiswa e nsoni yo kendalala;
Bevutuka manima kuna kinsalukisa muna kuma kia nsoni.+
Mvovo vana yand'a lukaya
^ Tala Nsas’a Mvovo.
^ Yovo “okuyindula.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “Ntesekele mfulu ame vana mansanga.”
^ Yovo “Manunini.”
