Nkunga 5:1-12
Kuna kwa ntwadisi a nkunga muna Neyiloti.* Nkung’a Davidi.
5 E Yave, wá e mvovo miame;+Tamba o matu muna bumu kiame.
2 Wá kazu kiame,E Ntinu ame, e Nzambi ame, kadi kwa ngeye nsambidi.
3 E Yave, muna mene owá nding’ame;+Muna mene ikuzayisa e ntokani zame,+ ivingila ye vuvu.
4 Kadi u Nzambi ona ke yangalelanga mbi ko;+Kavena muntu ambi ko olenda kala yaku.+
5 Kavena nkwa lulendo ko olenda telama vana ndose aku.
Ngeye omenganga yimpumbulu yawonso;+
6 Ofwasa awana bevovanga luvunu.+
Yave omenganga akwa nsoki ye akwa luvunu.*+
7 Vo i mono, muna kuma kia ulolo wa walakazi*+ waku kota ikota muna tempelo aku yavauka;*+Ifukamena muna tempelo aku avauka muna vumi waku.+
8 E Yave, umfidila muna unsongi waku muna kuma kia mbeni zame;Unsingikila e nzil’aku.+
9 Kadi kavena diambu ko bevova dilenda bundwa e vuvu;Muna nsi au a ntima mbi kaka ina mo;E malaka mau i ziami kiaziuka;Malengo kaka bevovanga muna tubini twau.+
10 Nzambi okubatumba;O makani mau mekubabwisa.+
Yambula bayingwa muna kuma kia ulolo wa masumu mau,Kadi batelamène.
11 Kansi, awonso ana betinina kwa ngeye beyangalala;+Beyengoloka kaka ye kiese.
Ngeye okubatanina,
Awana bezolanga nkumbu aku, beyangalala muna ngeye.
12 Kadi osambula ansongi, e Yave;E dienga diaku dikubatanina nze ngubu anene.+
Mvovo vana yand'a lukaya
^ Tala Nsas’a Mvovo.
^ Yovo “mbungudi a menga ye mvuni.”
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Yovo “”nzo aku avauka.”
