Nkunga 44:1-26
Kuna kwa ntwadisi a nkunga. Nkung’a Wan’a Kora.+ Maskile.*
44 E Nzambi, twawá muna matu meto,Akulu eto batuzayisa,+Mana wavanga muna lumbu yau,Muna lumbu ya nz’ankulu.
2 Wayinga e zula muna koko kwaku+Yo vingisa mo akulu eto.+
Wasakidika e zula yo kubayinga.+
3 Ke mu nsosolo miau ko babakila e nsi,+Ke mu moko mau ko basundila.+
Kansi, muna koko kwaku kwalunene kaka, muna ngolo zaku+ yo ntemo a ndose aku,Kadi wabayangalela.+
4 E Nzambi, ngeye u Ntinu ame;+Vana nsundidi* kwa Yakobo.
5 Muna nkum’aku tuyinganesa e mbeni zeto;+Muna nkumbu aku, tudiatakesa awana bekututelamenanga.+
6 Kadi kibundanga mfumb’ame vuvu ko,O nsosolo ame ke ulendi kumpuluza ko.+
7 Ngeye watuvuluza kwa mbeni zeto,+Wafusulwisa e nsoni awana bekutumenganga.
8 Tuvana nkembo kwa Nzambi lumbu kiamvimba,Tuvutula matondo muna nkumbu aku yakwele mvu. (Sela)
9 Kansi, owau utubembwele yo kutukulula,Kukwendanga diaka ye makesa meto ko.
10 Okututinisanga vana vena mbeni zeto;+Awana batumengene bekutusanzanga konso una bazolele.
11 Utuyekwele kwa mbeni zeto batudia nze mameme;Utumwanganese vana vena e zula.+
12 Otekele nkangu aku muna ntalu yandwelo;+Kubakidi wo nluta ko.*
13 Utukitwidi se luvezo kuna kwa mfinangani zeto,Awonso ana batuzungidi bekutuvezanga yo kutuseva.
14 Utukitwidi se kuma kia lusembo* vana vena e zula,+Se lekwa kina nkangu benikunuinanga o ntu.
15 O luvezo luna ova ngina e lumbu kiamvimba,E nsoni zimfukidi,
16 Muna kuma kia lutiangu ye luvezo lwau,Muna kuma kia mbeni eto wa nlandi a kunda.
17 Mawonso mama matubwididi, kansi ke tuvilakene ko,Ngatu kulula e kangu diaku.+
18 E ntima mieto ke mibendomokene ko;E ntambi zeto ke zivengomokene muna nzil’aku ko.
19 Kansi, okutukosomonanga vana fulu kizingilanga e mbulu;Okutufukanga ye tombe kin’e bu.
20 Avo tuvilakene nkumbu a Nzambi etoYovo tulambwidi moko twasamba kwa nzambi a nzenza,
21 Nga Nzambi ke zaya wo ko e?
Ozeye mambu maswekama muna ntima.+
22 Kadi muna kuma kiaku tuvondelwanga ntangwa zawonso;Tubadikilwanga nze mameme mevondwa.+
23 E Yave, sikama. Ekuma okwamanene lekela?+
Sikama! Kutubembodi ko yakwele mvu.+
24 Mu nkia kuma oswekele ndose aku?
Ekuma ovilakene mpasi yo lubangamu lweto?
25 Kadi tukulwilu yavana ntoto;E nitu eto ilaminini vana ntoto.+
26 Telama, watusadisa!+
Utuvuluza* muna diambu dia walakazi waku.+
Mvovo vana yand'a lukaya
^ Tala Nsas’a Mvovo.
^ Yovo “luvuluzu lwanene.”
^ Yovo “Kubakidi nluta ko muna ntalu ubatekele.”
^ Mvovo wa sina: “se kingana.”
^ Mvovo wa sina: “Utukûla.”
