Nkunga 33:1-22
33 Yeno ansongi, nuyengoloka ye kiese muna Yave.+
Difwene kwa ansongi bankembelela.
2 Nuvutula matondo kwa Yave muna kokolo;Nunyimbidila ye nsambi ya nsinga kumi.
3 Nunyimbidila nkung’ampa;+Nutoma sika masikilu yo yengoloka ye kiese.
4 Kadi e diambu dia Yave diansongi,+Mawonso kevanganga mafwana bundwa e vuvu.
5 Ozolanga unsongi ye ziku.+
E nza izele yo walakazi wa Yave.+
6 Muna mvovo a Yave, e zulu diavangama,+Ye yawonso ina kuna zulu* muna mwand’a* nu’andi.
7 Okutikanga maza ma kalunga nze zudika;+Yo sia nkukwilu za maza muna malundilu.
8 Yambula ntoto wawonso wavumina Yave.+
Awonso bezingilanga mo,* yambula banzakamena.
9 Kadi wavova, e lekwa yavangama;+Wakanikina, e lekwa yawonso yasikila.+
10 Yave ofungisi makani ma* zula;+Ovunzanesa makani ma* nkangu.+
11 Kansi, e nzengo za* Yave zisikila yakwele mvu;+E makani ma ntim’andi mekala kaka muna mbandu ke mbandu.
12 Kiese kwa zula kina vo Yave i Nzambi andi,+O nkangu una kasola se vua diandi.+
13 Yave otalanga tuka kuna zulu;Omonanga wan’a wantu awonso.+
14 Tuka vana fulu kiandi kina kekalanga,Otalanga nkangu mia nza.
15 Yandi wavanga ntima mia yau awonso;Ofimpanga salu yau yawonso.+
16 Kavena ntinu ko ovuluzwa kwa ulolo wa makesa mandi;+E kesa ke vuluzilwa muna ngolo zandi zayingi ko.+
17 O mvalu muna vulukila i vuvu kia luvunu;+E ngolo zandi zayingi ke zilendi twasa luvuluzu ko.
18 Meso ma Yave metalanga awana bekumvuminanga,+Awana bebundanga e vuvu muna walakazi wandi,
19 Kimana kabavuluza* muna lufwaYo kubazingisa muna ntangw’a mvengele.+
20 Oyeto* Yave tuvingilanga.
Yandi i nsadisi eto ye ngubu eto.+
21 E ntima mieto muna yandi mimwena kiese,Kadi muna nkumbu andi avauka i tubundidi e vuvu.+
22 O walakazi waku yambula wakala omu yeto, e Yave,+Ekolo tuvingilanga kwa ngeye.+
Mvovo vana yand'a lukaya
^ Yovo “vu kiau kiawonso.”
^ Mvovo wa sina: “fulumwinu kia.”
^ Yovo “muna ntoto uyimanga.”
^ Yovo “ngindu za.”
^ Yovo “tuludiku twa.”
^ Yovo “tuludiku twa.”
^ Yovo “kavuluza mioyo miau.”
^ Yovo “Mioyo mieto.”
