Epsalme 94:1-23
94 Jehova, akutu! Kalunga kehandu,+Alikana Kalunga kehandu, ouyelele woye nau minikile!
2 Omutokoli wedu,+ fikama.
Shunifila ovalinenepeki osho ve lilongela.+
3 Akutu! Jehova, fiyo onaini ovakolokoshi,Fiyo onaini ovakolokoshi tava twikile okukala va hafa?+
4 Ohava ngongota, nohava popi nelinenepeko;Ovalongi vowii aveshe ohave litange vo vene.
5 Akutu! Jehova, ohava nyanyaula oshiwana shoye,+Nohava fininike efyuululo loye.
6 Ohava dipaa omufiyekadi nomunailongo,Nohava dipaa ounona ovo vehe na ooxe.
7 Ohava ti: “Jah ke wete ko;+Kalunga kaJakob ihe shi didilike.”+
8 Nye ovo muhe na eendunge, udeni ko oshinima eshi;Nye omalai, onaini tamu ka ulika kutya omu na eendunge?+
9 Oo a shita* okutwi, mbela ke udite ko?
Oo a shita eisho, mbela ke wete ko?+
10 Oo ha pukulula oiwana, mbela ita dulu okuyandja outekuduliko?+
Oye ha yandje eshiivo kovanhu!+
11 Jehova oku shii omadiladilo ovanhu,Kutya oo omufudo wongaho.+
12 Akutu! Jah, omunhu oo ta kala a hafa oyoo to pukulula,+Oo to hongo okudja momhango yoye,+
13 U mu pe ombili momafiku oupyakadi,Fiyo osheshi elambo lomukolokoshi la fewa.+
14 Osheshi Jehova ita efa po oshiwana shaye,+Noita fiye po efyuululo laye.+
15 Osheshi etokolo otali ka kala vali li li pauyuki,Naaveshe ovo ovayuki momitima otave ke li shikula.
16 Olyelye ta fikama ponhele yange a kondjife ovakolokoshi?
Olyelye ta fikama ponhele yange a lwife ovalongi vowii?
17 Ngeno Jehova ka li omukwafi wange,Ngeno onda* xula po* diva.+
18 Eshi nda ti: “Omhadi yange otai i omufenu,”
Akutu! Jehova, ohole yoye i na oudiinini oya twikila okuyambidida nge.+
19 Eshi oisho* ya li ya wilila nge po,*Owa hekeleka nge nowa tulumukifa nge.*+
20 Mbela olukalwapangelo* loulingilingi otali dulu tuu okukala li na ekwatafano naave,Ofimbo tali etifa oupyakadi medina lomhango?*+
21 Ohava ponokele nonyanya omuyuki,*+Nomunhu, oo ehe na etimba, ohave mu tokolele efyo.*+
22 Ashike Jehova ota ningi ouhondameno wange wa amenwa,*Kalunga kange oye emanya lange leameno.+
23 Ota ka alulila oilonga youkolokoshi kombada yavo.+
Ote ke va kombolola po* okupitila moilonga yavo ii.
Jehova, Kalunga ketu, ote ke va xulifa po.*+
Omashangelo opedu
^ Eln., “twika.”
^ Eln., “kala melimweneneno.”
^ Ile “omwenyo wange owa.”
^ Ile “omadiladilo taa piyaaneke.”
^ Ile “ya ninga ihapu meni lange.”
^ Ile “Omahekeleko oye okwa tulumukifa omwenyo wange.”
^ Ile “ovapangeli; ovatokoli.”
^ Ile “pashipango.”
^ Eln., “Nohonde yomunhu, oo ehe na etimba, ohave i tokolele etimba (oukolokoshi).”
^ Ile “omwenyo womuyuki.”
^ Ile “eameno lange la shiya ko.”
^ Eln., “mweneka.”
^ Eln., “mweneka.”
