Epsalme 20:1-9
-
Exupifo lomuvaekwa waKalunga oo e li ohamba
-
Vamwe ove lineekela momatemba nomeenghambe, “ashike fye ohatu ifana edina Jehova” (7)
-
Komuwiliki. Eimbilo laDavid.
20 Jehova ne ku nyamukule mefiku loudjuu.
Edina laKalunga kaJakob nali ku amene.+
2 Ne ku tumine ekwafo tali di monhele iyapuki,+Ne ku pameke okudja kuSion.+
3 Na dimbulukwe eeshaliyambo doye adishe;Na tambule ko nohokwe* exwikiloyambo loye. (Sela)
4 Ne ku wanifile po omahalo omutima woye,+Noku ku kwafela u pondole meemhangela* doye adishe.
5 Ohatu ka nyakukilwa oilonga yoye yexupifo;+Ohatu ka yelula omapandela etu medina laKalunga ketu.+
Jehova na wanife po ashishe osho we mu pula.
6 Paife, ondi shi shii kutya Jehova oha xupifa omuvaekwa waye.+
Ohe mu nyamukula okudja meulu laye liyapukiMoku mu xupifa* monghedi ikumwifi neke laye lokolulyo.+
7 Vamwe ove lineekela momatemba, navamwe omeenghambe,+Ashike fye ohatu ifana edina Jehova, Kalunga ketu.+
8 Ova ongotela, nove lidenga po,Ndele fye otwa penduka po, notwa pamenena.+
9 Alikana! Jehova, xupifa ohamba!+
Ote ke tu nyamukula mefiku olo hatu pula ekwafo.+
