Epsalme 140:1-13
Komuwiliki. Eimbilo laDavid.
140 Alikana! Jehova, xupife nge kovalongi vowii;Amene nge kovalongifi veenghono,+
2 Ovo hava pangele eemhangela dii momitima davo+Nohava tukula eenhamanana efimbo alishe.
3 Ohava upike omalaka avo, ngaashi elaka leyoka;+Oudiyo womauta ou li koshi yomilungu davo.+ (Sela)
4 Alikana! Jehova, amene nge momake omukolokoshi;+Amene nge kwaavo hava longifa eenghono,Ovo va pangela omhangela va pundule nge.
5 Ovalinenepeki ova tela omwiyo va kwate nge;Ohava yale onete yeengodi pondjila.+
Ova tela nge omalulo.+ (Sela)
6 Onda ti kuJehova: “Oove Kalunga kange.
Alikana! Jehova, pwilikina, eshi handi ku lilile ekwafo.”+
7 Akutu! Jehova, Omwene Omunamapangelo aeshe, Omuxupifi wange omunaenghono,Owa amena omutwe wange mefiku lolwoodi.+
8 Alikana! Jehova, ino wanifa po omahalo ovakolokoshi.
Ino efa eemhangela davo di pondole, opo vaha tumbalekwe.+ (Sela)
9 Omitwe daavo va dingilila ngeNadi tuvikilwe nowii, oo wa popiwa komilungu davo.+
10 Omakala a xwama naa loke kombada yavo.+
Nava ekelwe momundilo,Momalambo male,*+ opo vaha dje mo vali.
11 Ovalundili inava mona onhele kombada yedu.*+
Owii nau hange ovakolokoshi, noku va hanauna po.
12 Ondi shi shii kutya Jehova ota ka popila omudinwa,Nota ka longela eehepele ouyuki.+
13 Oshoshili, ovayuki otava ka pandula edina loye;Ovayuki otava ka kala koshipala shoye.*+
