Epsalme 57:1-11
Komuwiliki; oli na okwiimbwa mongovela “Ino eta ehanauno.” Epsalme laDavid. Miktam.* Eshi a li ta faduka po Saul, ndele ta i mekololo.+
57 File nge onghenda, alikana! Kalunga, file nge onghenda,Osheshi ohandi kongo* eameno mwoove,+Nohandi kongo eameno momudidimbe womavava oye, fiyo oupyakadi wa pita po.+
2 Ohandi pula ekwafo kuKalunga Omukombadambada,KuKalunga kashili, oo e va xulifa po omolwange.
3 Ota ka tuma ekwafo okudja meulu, nokuxupifa nge.+
Ota ka ponyifa eemhangela daao ta kwata nge. (Sela)
Kalunga ota ka ulika ohole yaye i na oudiinini nosho yo oudiinini waye.+
4 Onda* dingililwa keenghoshi;+Ondi na okunangala mokati kovalumenhu, ovo va hala okuxwaka nge po,Ovo omayoo avo a fa omaonga nosho yo oikuti,Naavo omalaka avo e li ngaashi eongamukonda li na eemhemo.+
5 Akutu! Kalunga, tumbalekwa pombada yeulu;Efimano loye nali kale kombada yedu alishe.+
6 Ova tela elulo* va yule eemhadi dange;+Onda* nyongama omolwoudjuu.+
Ova fa elambo komesho yange,Ashike ovo vene va wila mo.+ (Sela)
7 Akutu! Kalunga, omutima wange owa pamenena,+Omutima wange owa pamenena.
Ohandi imbi nokushika omusika.
8 Efimano lange, penduka.
Oshishikomwa sheengodi, penduka; naave yo okaxumbafeta.
Ohandi pendula etendo leluwa.+
9 Akutu! Jehova, ohandi ku tange mokati kovanhu;+Ohandi ku imbile omaimbilohambelelo* mokati koiwana.+
10 Osheshi ohole yoye i na oudiinini oinene, i li pombada ngaashi eulu,+Noudiinini woye owa twa mewangadjo.
11 Akutu! Kalunga, tumbalekwa pombada yeulu;Efimano loye nali kale kombada yedu alishe.+
