Epsalme 47:1-9
Komuwiliki. Epsalme lovanamati vaKora.+ Eimbilo.
47 Ovanhu nye amushe, panduleni omake.
Ingideni kuKalunga mu na ehafo linene omolwefindano.
2 Osheshi Jehova Omukombadambada omukumwifi neenghono;+Ye Ohamba inene kombada yedu alishe.+
3 Oha findi ovanhu, ovo ve li koshi yepangelo letu;Oha tula oiwana koshi yeemhadi detu.+
4 Ohe tu hoololele efyuululo letu,+Etumba laJakob, oo e hole.+ (Sela)
5 Kalunga okwa londa, ofimbo ovanhu va hafa neenghono;Jehova oha londo, ofimbo ovanhu tava shiki oluvinga.*
6 Kalunga mu imbileni omaimbilohambelelo,* imbeni omaimbilohambelelo.
Ohamba yetu i imbileni omaimbilohambelelo, imbeni omaimbilohambelelo.
7 Osheshi Kalunga oye Ohamba kombada yedu alishe;+Imbeni omaimbilohambelelo nokukatuka pandunge.
8 Kalunga okwa ninga Ohamba yoiwana.+
Kalunga oku li omutumba kolukalwapangelo laye liyapuki.
9 Ovawiliki vovanhu ova ongala pamwe,Pamwe novanhu vaKalunga kaAbraham.
Osheshi ovapangeli* vokombada yedu ovaKalunga.
Okwa tumbalekwa neenghono.+
