Epsalme 28:1-9
-
Eilikano lomupsalme la udika
-
‘Jehova, eenghono dange noshikelelifo’ (7)
-
Epsalme laDavid.
28 Alikana! Jehova Emanya lange, ohandi twikile oku ku ifana;+Ino fitikila nge okutwi kwoye.
Ngeenge owa kala ito nyamukula nge,Ohandi ka kala ngaashi ovo tava i melambo.*+
2 Uda omaindilo ange, ngeenge handi ku lilile ekwafo,Eshi handi yelula omake ange nde a yukifa medimo lomeni elela lomonhele yoye iyapuki.+
3 Ino kufa nge po pamwe novakolokoshi, ovo hava longo oinima inyemateka,+Ovo hava popi eendjovo dombili novanhu vakwao, ofimbo momitima davo mu na owii.+
4 Va alulila omolwoilonga yavo,+She likolelela koilonga yavo ii.
Va shunifila omolwoilonga yomake avo,She likolelela kwaasho va ninga.+
5 Osheshi ihava yandje elitulemo koilonga yaJehova,+Ile koilonga yomake aye.+
Ote ke va teyaula po, ndele ite ke va tunga.
6 Jehova na tangwe,Osheshi okwa uda omaindilo ange, eshi nde mu pula ekwafo.
7 Jehova oye eenghono dange+ noshikelelifo shange;+Omutima wange owe lineekela muye.+
Onda mona ekwafo laye, nomutima wange owa hafa,Onghee ohandi mu tange neimbilo lange.
8 Jehova oye eenghono doshiwana shaye;Ye ohotengulu, ta etele omuvaekwa waye+ efindano linene.
9 Xupifa oshiwana shoye, nokunangeka noupuna efyuululo loye.+
Shi lifa, noku shi humbata momaoko oye fiyo alushe.+
Omashangelo opedu
^ Ile “mombila.”
