Ombiibeli oi na etumwalaka laKalunga, ile ondjovo, olo e tu nunina kunena. Otai tu ulikile nghee tu na okupondola monghalamwenyo nonghee hatu dulu okukala twa hokiwa kuKalunga. Oya nyamukula yo omapulo taa landula:

NGHEE TO DULU OKUMONA EEVELISE DOMBIIBELI

Ombiibeli oya fikama po momambo manini 66. Oya tukulwa moitukulwa ivali: Omishangwa dOshiheberi nOshiaramea (“Etestamenti Likulu”) nosho yo Omishangwa dOshigreka (“Etestamenti Lipe”). Embo keshe lOmbiibeli ola tukulwa momatukulwa nomeevelise. Ngeenge wa mono omushangwa wonhumba, onomola yotete oyo ya shikula edina lembo otai ulike ketukulwa, nonomola, ile eenomola da landula ko otadi ulike kovelise, ile keevelise. Pashihopaenenwa, Genesis 1:1 otashi ti, Genesis etukulwa 1, ovelise 1.