Oto shivwa
Edimbuluko lefyo laJesus
Etine, 2 Aprili 2026
Ohatu ku shivi oshali koiningwanima ivali
Oshipopiwa shopaMbiibeli she likalekelwa
“Olyelye ta ka wapekulula edu?”
Oto ke lihonga kombinga yonakwiiwa itunhula oyo twa tuvikililwa i na sha nedu nosho yo ovanhu.
Edimbuluko lefyo laJesus
Poshiningwanima eshi sha fimanenena, Eendombwedi daJehova ohadi dimbuluka efyo laJesus, ngaashi a popya.— Lukas 22:19.
Omapulo oo haa pulwa luhapu
Oolyelye tava dulu okuuya?
Keshe umwe okwa manguluka okuuya. Eteleleni omaukwaneumbo eni.
Okwoongala oko ohaku kwata efimbo li fike peni?
Oshipopiwa shopaMbiibeli she likalekelwa ohashi kwata etata lovili. Ohashi shikulwa keenghundafana novapwilikini da kanghamena kOmbiibeli, odo tadi kwata oule wovili.
Edimbuluko ohali kwata hanga oule wovili.
Otaku ka ningilwa peni?
Opo u mone onhele oyo i li popepi naave, finda opo pa shangwa “Tala ouyelele u na sha nEdimbuluko,” ile “Tala ouyelele u na sha noshipopiwa she likalekelwa” pombada.
Ngeenge onda ongala, mbela onda teelelika ndi kale handi ongala, ile ndi konakone Ombiibeli nEendombwedi yaJehova?
Ahawe.
Mbela otapa ka umbwa ongalo?
Ahawe. Ihapa umbwa ongalo pomakwoongala etu. — Mateus 10:8.
Mbela otapa ka djalwa omidjalo de likalekelwa?
Ahawe. Ashike, Eendombwedi daJehova ohadi kendabala okudjala monghedi tai wapalele notai fimanekifa.
Oshike tashi ka ningwa pEdimbuluko?
Okwoongala ohaku hovele noha ku xulu neimbilo nosho yo neilikano, olo hali ningwa komukulunhuongalo, ile komuyakuliongalo, oo e li Ondombwedi yaJehova. Okwoongala okwa kwatela mo oshipopiwa osho tashi ka kundafana kutya omolwashike efyo laJesus la fimana nanghee hatu dulu okumona ouwa mwaasho Kalunga naKristus ve tu ningila.
Opo u mone ouyelele muhapu, tala oshitukulwa “Omolwashike Eendombwedi daJehova hadi dana Ouvalelo wOmwene monghedi ya yooloka ko kwaayo yomalongelokalunga amwe?”
Edimbuluko otali ka kala ko vali naini monakwiiwa?
2026: Etine, 2 Aprili
2027: Omaandaxa, 22 Marsa
2028: Osoondaxa, 9 Aprili
Opo u lihonge shihapu, tala ouvidio tava shikula.
Kala ho dimbuluka efyo laJesus
Tala osho tashi ka ningwa pEdimbuluko, nokumona nghee efyo laJesus tali ka etifa onakwiiwa itunhula.
Otashi dulika wa uda kutya okwa fya omolwomatimba etu. Ndele mbela eyambo laumwe otali dulu ngoo okweetela ovanhu omamiliyona ouwa?
Oshike hashi ningwa kOlupale lOuhamba?
Ila u litalele ko ove mwene.
Tapa okafo aka keshivo meenghedi da yoolokafana.