Epsalme 46:1-11
Komuwiliki. Epsalme lovanamati vaKora.+ Panghedi yaAlamot.* Eimbilo.
46 Kalunga oye eameno neenghono detu,+Ekwafo olo hali monika pomafimbo oudjuu.+
2 Nomolwaashi itatu tila, nonande edu nali lunduluke,Nonande eemhunda odi wile mefuta nokuningina ko,+
3 Nonande omeva alo naa popome noku pindjale,+Nonande oshikungulu shalo oshi kakamife eemhunda. (Sela)
4 Ope na omakungulukilo omulonga, oo haa hafifa oshilando shaKalunga,+Etwalihangano linene liyapuki lOmukombadambada.
5 Kalunga oku li moshilando;+ itashi dulu okufindwa.
Kalunga ote ke shi kwafela, eshi eluwa tali tende.+
6 Oiwana oya li tai uyaana, omauhamba okwa xulifwa po;Okwa yelula ondaka yaye, nedu ola hengumuka.+
7 Jehova womatangakwaita oku li pamwe nafye;+Kalunga kaJakob oye ouhondameno wetu wa amenwa.* (Sela)
8 Ileni mu tale oilonga yaJehova,Nghee a longa oinima ikumwifi kombada yedu.
9 Ota ka xulifa po oita kombada yedu alishe.+
Ota ka teyaula po omauta nokunyanyaula po omaonga;Ota ka xwika po omatemba* oita momundilo.
10 “Liyandjeni nokushiiva kutya aame Kalunga.
Ohandi ka tumbalekwa mokati koiwana.+Ohandi ka tumbalekwa kombada yedu.”+
11 Jehova womatangakwaita oku li pamwe nafye;+Kalunga kaJakob oye ouhondameno wetu wa amenwa.+ (Sela)
Omashangelo opedu
^ Tala Omafatululo oitya.
^ Ile “eameno letu la shiya ko.”
^ Ile tashi dulika, “oikelelifo.”
