Epsalme 65:1-13
Komuwiliki. Epsalme laDavid. Eimbilo.
65 Akutu! Kalunga, oto ka tangwa muSion;+Ohatu ka wanifa po osho twe ku udanekela.+
2 Oove Omuudi womailikano, ovanhu vomaludi aeshe* otave uya kwoove.+
3 Omapuko ange okwa wilila nge po,+Ashike ove oho dimi po omatauluko etu.+
4 Omunhu oo a hafa oye oo wa hoolola, ndele to mu eta popepiA kale momikala doye.+
Ohatu ka hafela ouwa womeumbo loye,+Motembeli* yoye iyapuki.+
5 Oto ke tu nyamukula noilonga ikumwifi+ youyuki,Akutu! Kalunga kexupifo letu;Oove elineekelo lominghulo adishe dedu+Nolaavo ve li kokule, kombinga ikwao yefuta.
6 Owa* tula po eemhunda keenghono doye;Owa* djala eenghono dinene.+
7 Owa* lotifa efuta olo la pindjala,+Okuwiluka kwomakufikufi alo nosho yo omapiyaano oiwana.+
8 Ovakalimo vokoitukulwa yokokule otava ka kumwifwa komadidiliko oye;+Oto ka ningifa ovo ve li oko haku piti etango fiyo okoko haku ningine etango, va ingide nehafo.
9 Oho file oshisho edu,Owe li ningifa li kale li na oiimati ihapu,* noli kale la lyata nawa.+
Omakungulukilo a dja kuKalunga oku yadi omeva;Owe va pa oilya,+Osheshi edu osho we lilongekida ngaho.
10 Owa tutika omikangha dalo, nowa lalakanifa edu olo la pululwa;*Owe li pupaleka nomata odula; owa nangeka noupuna oikunomwa yalo.+
11 Owa feweka omudo nouwa woye, wa fa we u dika oshikoroni;Omalila oye otaa kunguluka oinima iwa.*+
12 Omaulifilo omombuwa oku yadi* omwiidi mutalala,+Noikulundudu oya djalekwa ehafo linene.+
13 Omaulifilo oku yadi omaufita,Nomalufilu oku yadi ndoondoo oilya.+
Otaa ingida nehafo, heeno, otaa imbi.+
