Epsalme 53:1-6
Komuwiliki; pamushingo waMahalat.* Maskil.* Epsalme laDavid.
53 Elai* ohali lipopile momutima walo tali ti:
“Kaku na Jehova.”+
Eenghatu davo dihe li pauyuki odii noditondifa;Kape na oo ta longo ouwa.+
2 Ashike Kalunga ota tale pedu kovana vovanhu okudja meulu,+A tale ngeenge ope na oo e na eendunge, ngeenge ope na ngoo oo ta kongo Jehova.+
3 Aveshe ova pilamena ko;Aveshe ova nyonauka.
Kape na oo ta longo ouwa,Kape na nande oumwe.+
4 Mbela kape na nande omulongi wowii e udite ko?
Ohava xwake po ovanhu vange va fa tava li omungome.
Ihava pula ekwafo kuJehova.+
5 Ashike otava ka kwatwa kehaluko linene,Ehaluko olo inali va hanga nande onale,*Osheshi Kalunga ota ka halakanifa omakipa aavo tave ku ponokele.*
Oto ke va fifa ohoni, osheshi Jehova okwe va efa po.
6 Akutu! Exupifo laIsrael nali dje muSion.+
Eshi Jehova ta ka ongela vali ovanhu vaye, ovo ve li eenghwate,Jakob na nyakukwe, Israel na hafe.
Omashangelo opedu
^ Tala Omafatululo oitya.
^ Tala Omafatululo oitya.
^ Ile “Omunhu ehe na eendunge.”
^ Ile tashi dulika, “Oumbada, nonande kape na sha shokutilika.”
^ Eln., “va onga onhanda omolweni.”
