Epsalme 49:1-20
Komuwiliki. Epsalme lovanamati vaKora.+ Eimbilo.
49 Ovanhu amushe nye, udeni oshinima eshi.
Yandjeni elitulemo nye ovakalimo aveshe vomounyuni,*
2 Ovanhu aveshe, ovo inava fimana naavo va fimana,*Oipuna neehepele.
3 Okanya kange mwene otaka popi ounongo,Nomadilongo omutima wange+ otaa ulike eendunge.
4 Ohandi ka yandja elitulemo keyeletumbulo;Ohandi ka yelifa otumbutumbu yange, ofimbo handi shiki okaxumbafeta.
5 Omolwashike ndi na okutila pomafimbo oudjuu,+Ngeenge nda dingililwa kowii* waavo tava kendabala okuhanauna nge po?
6 Ovo ve lineekela momamona avo+Naavo have litangele oupuna wavo muhapu,+
7 Kape na nande oumwe ta dulu okukulila omumwaina,Ile okuyandja kuKalunga ekulilo omolwaye,+
8 (Ondado yekulilo lomwenyo wavo oi na ondilo,Nomolwaasho itava dulu oku i futa nandenande);
9 Opo a dule okukala nomwenyo fiyo alushe, noita mono elambo.*+
10 Oha mono nokuli kutya novanhu ovanaendunge ohava fi;Omalai naavo vehe na eendunge aveshe ohava xulu po,+Nomamona avo ove na oku a fiila po vamwe.+
11 Momitima davo ohava kala va hala omaumbo avo a kale po fiyo alushe;Omatwali avo a kale okudja kepupi fiyo okepupi.
Ove lilukila oitukulwa yavo.
12 Ashike omunhu, nonande okwa fimanekwa, ita kalelele;+Ke dule oshinamwenyo, osho hashi xulu po.+
13 Ei ondjila yomalai+Noyaavo have a shikula, ovo hava hafele eendjovo dao dongaho. (Sela)
14 Otava twalwa mOmbila,* ngaashi eedi tadi ka dipawa.
Efyo otali va lifa;Ovayuki otave ke va pangela+ ongula.
Okukala po kwavo akushe otaku dimbiwa filufilu;+Ponhele yombala, Ombila*+ oyo tai ka kala eumbo lavo.+
15 Ashike Kalunga ota ka kulila nge* momake* Ombila,*+Osheshi ota ka amena nge. (Sela)
16 Ino kala wa tila, ngeenge omunhu a punapala,Molwaashi etumbalo leumbo laye la xuma komesho,
17 Osheshi ngeenge okwa fi, ita i nasha;+Etumbalo laye itali i naye.+
18 Osheshi pefimbo lokukalamwenyo kwaye ohe lipandula.*+
(Ovanhu ohave ku tange, ngeenge u na sha.)+
19 Ndele xuuninwa, oha waimine epupi looxekulululwa.
Itava mono vali nandenande ouyelele.
20 Omunhu, oo ehe udite ko oshinima eshi, nonande okwa fimanekwa,+Ke dule oshinamwenyo, osho hashi xulu po.
Omashangelo opedu
^ Ile “vomonghalelo ei yoinima.”
^ Eln., “Ovana veehepele novana vovanenenhu aveshe.”
^ Eln., “kepuko.”
^ Ile “ombila.”
^ Ile “mo-Sheol,” sha hala okutya, koufi. Tala Omafatululo oitya.
^ Ile “o-Sheol,” sha hala okutya, koufi. Tala Omafatululo oitya.
^ Ile “omwenyo wange.”
^ Eln., “meenghono.”
^ Ile “o-Sheol,” sha hala okutya, koufi. Tala Omafatululo oitya.
^ Ile “omwenyo waye.”
