Epsalme 86:1-17
Eilikano laDavid.
86 Alikana! Jehova, pakaleka okutwi kwoye,* nou nyamukule nge,Osheshi onda fininikwa nonda hepa.+
2 Pashukila onghalamwenyo* yange, osheshi ondimudiinini.+
Xupifa omupiya woye oo te ku lineekele,Osheshi oove Kalunga kange.+
3 Alikana! Jehova, file nge onghenda,+Osheshi ohandi ku ifana efimbo alishe.+
4 Hafifa omupiya woye,*Osheshi ohandi kongo ekwafo,* alikana! Jehova.
5 Osheshi ove, akutu! Jehova, oumuwa,+ nowe lilongekida okudimina po;+Oho ulikile aveshe ovo have ku ifana ohole inene i na oudiinini.+
6 Alikana! Jehova, pwilikina keilikano lange;Nokuyandja elitulemo, eshi handi pula ekwafo.+
7 Ohandi ku ifana mefiku loudjuu wange,+Osheshi oho nyamukula nge.+
8 Akutu! Jehova, kape na oo e ku fa mokati kookalunga,+Kape na oilonga ya fa yoye.+
9 Oiwana aishe, oyo wa shita,Otai uya, ndele tai ku linyongamene, akutu! Jehova,+Notai ka fimaneka edina loye.+
10 Osheshi ove oumunene, noho longo oilonga ikumwifi;+Oove auke Kalunga.+
11 Alikana! Jehova, honge nge ondjila yoye.+
Ohandi kala handi ende moshili yoye.+
Hanganifa omutima wange,* opo ndi tile edina loye.+
12 Akutu! Jehova, Kalunga kange, ohandi ku tange nomutima wange aushe,+Nohandi fimanekifa edina loye fiyo alushe,
13 Osheshi ohole yoye i na oudiinini, oyo wa ulikila nge, oinene,Nowa xupifa omwenyo* wange uha ye moule wOmbila.*+
14 Akutu! Kalunga, ovanhu ovalinenepeki ova fikama va lwife nge;+Ongudu yovanhu ovakwanyanya otai kongo omwenyo wange,Noinave ku fimaneka.*+
15 Ashike ove, akutu! Jehova, oKalunga omunanghenda nomunalukeno,*Iho handuka diva, nou na filufilu ohole i na oudiinini nosho yo oudiinini.*+
16 Taalela kwaame, nokufila nge onghenda.+
Pa omupiya woye eenghono,+Ndele to xupifa omonamati womupiya woye okakadona.
17 Ulikile nge edidiliko* louwa woye,Opo ovo ve tonde nge ve shi mone nova fifwe ohoni.
Osheshi ove, akutu! Jehova, oove omukwafi nomuhekeleki wange.
Omashangelo opedu
^ Ile “petama, ndele to pwilikine.”
^ Ile “omwenyo.”
^ Ile “omwenyo womupiya woye.”
^ Ile “ohandi yelula omwenyo wange.”
^ Ile “Pe nge omutima inau tukauka.”
^ Ile “wo-Sheol,” sha hala okutya, koufi. Tala Omafatululo oitya.
^ Ile “onghalamwenyo.”
^ Ile “Noinave ku tula komesho yavo.”
^ Ile “nou na onghedi iwa.”
^ Ile “nomunashili.”
^ Ile “oumbangi.”
