Epsalme 102:1-28
Eilikano lomufininikwa, ngeenge e li moudjuu,* nota mbubulile Jehova omalipulo aye.+
102 Alikana! Jehova, uda eilikano lange;+Ude nge, eshi handi ku lilile ekwafo.+
2 Ino holeka nge oshipala shoye pefimbo loudjuu wange.+
Pakalekela okutwi kwoye* kwaame;Nyamukule nge diva, eshi handi ku ifana.+
3 Osheshi omafiku ange otaa vilola po ngaashi omwifi,Nomakipa ange otaa pi ngaashi ediko lomundilo.+
4 Omutima wange owa dengwa ngaashi omwiidi, nowa kukuta,+Osheshi onda dimbwa okulya oikulya yange.
5 Omolwokukema kwange mokule,+Ombelela yange+ oya naatela komakipa ange.
6 Onda fa onyundu yomombuwa;Onda fa eshikiti mokati koikulukuma.
7 Ohandi nangala oupafi;*Onda fa okadila ke likalela ke li kombada yonduda.+
8 Ovatondi vange ohava sheke nge efimbo alishe.+
Ovo hava sheke nge* ohava longifa edina lange li li onga efingo.
9 Osheshi ohandi li omute onga omungome wange,+Noshikunwa shange osha lumbakanifwa nomahodi,+
10 Omolwehandu loye nonya yoye,Osheshi owa yambula nge po, opo u kupule nge shi kombinga ikwao.
11 Omafiku ange okwa fa omudidimbe tau kana po,*+Nohandi kukuta ngaashi omwiidi.+
12 Ashike ove, akutu! Jehova, oto kala po fiyo alushe,+Netumbalo* loye otali kala po fiyo okomapupi aeshe.+
13 Oshoshili, oto ka fikama nokufila onghenda Sion,+Osheshi paife olo efimbo loku mu ulikila kutya owe mu hokwa;+Eufwafimbo ola fika.+
14 Osheshi ovapiya voye ohava hafele omakulukuma aye,+Nove hole nokuli nondwi yaye.+
15 Oiwana otai ka tila edina Jehova,Neehamba adishe dokombada yedu, efimano loye.+
16 Osheshi Jehova ota ka tungulula Sion;+Ota ka holoka moshinge shaye.+
17 Ota ka yandja elitulemo keilikano lohepele;+Ita ka tonda omailikano avo.+
18 Eshi osha shangwa omolwepupi lokomongula,+Opo ovanhu ovo tava ka etwa komesho* va tange Jah.
19 Osheshi oha tale pedu, okudja monhele yaye iyapuki;+Jehova oha tale kedu, okudja meulu,
20 Opo a ude okutwa omadima kwomunadolongo,+A mangulule ovo va tokolelwa efyo,+
21 Opo edina Jehova li ka hepaululwe muSion,+Nefimano laye muJerusalem,
22 Eshi ovanhu nomauhambaTaa ka ongala pamwe a longele Jehova.+
23 Okwa kufa nge eenghono dange diva;*Okwa ninipika omafiku ange.
24 Onda ti: “Akutu! Kalunga kange,Ino hanauna nge po, ofimbo inandi kulupa,Ove ou wa kala ko nalenale komapupi aeshe.+
25 Owa dika po ekanghameno ledu okudja nalenale,Neulu oli li oshilonga shomake oye.+
26 Otai xulu po, ashike ove oto kala po;Ngaashi oshikutu, aishe otai kulupa.
Ngaashi oikutu, oto ke i pingena po, notai ka xula po.
27 Ndele ove oto kala u li ngaashi u li, needula doye itadi xulu po nandenande.+
28 Ovana vovapiya voye otava ka kala meameno,Noludalo lavo otali ka kala po fiyo alushe koshipala shoye.”+
