Epsalme 143:1-12

  • Onda fa edu likukutu olo la fila Kalunga enota

    • ‘Ohandi dilonga koilonga yoye’ (5)

    • “Honge nge ndi longe ehalo loye” (10)

    • ‘Omhepo yoye iwa nai wilike nge’ (10)

Eimbilo laDavid. 143  Alikana! Jehova, uda eilikano lange;+Pwilikina, eshi handi ku lilile ekwafo. Nyamukule nge omolwoudiinini woye nouyuki woye.  2  Ino tokola omupiya woye,Osheshi kape na oo e na omwenyo ta dulu okukala omuyuki moipafi yoye.+  3  Osheshi omutondi ota taataa nge;*Okwa nyanyaulila omwenyo wange pedu. Okwa ningifa nge ndi kale handi kala momilaulu, ngaashi ovo va fya nale.  4  Omhepo* yange otai ninipala;+Omutima wange owa fya meni lange.+  5  Ohandi dimbuluka omafiku onale;Ohandi dilonga koilonga yoye aishe;+Onda halelela okudilonga* koilonga yomake oye.  6  Onda yelulila omake ange kwoove;Onda* fa edu likukutu olo le ku fila enota.+ (Sela)  7  Alikana! Jehova, nyamukule nge diva;+Eenghono* dange odi li pokukana po.+ Ino holeka nge oshipala shoye,+Opo ndiha kale ngaashi ovo tava i melambo.*+  8  Ongula nandi ude kombinga yohole yoye i na oudiinini,Osheshi onde lineekela mwoove. Shiivifile nge ondjila oyo ndi na okweenda,+Osheshi okwoove nda tala.*  9  Alikana! Jehova, xupife nge kovatondi vange. Ohandi kongo eameno kwoove.+ 10  Honge nge ndi longe ehalo loye,+Osheshi oove Kalunga kange. Omhepo yoye oiwa;Nai twale nge kedu la lalakana.* 11  Alikana! Jehova, omolwedina loye, kaleke nge nomwenyo. Omolwouyuki woye, xupife nge* moudjuu.+ 12  Omolwohole yoye i na oudiinini, xulifa po* ovatondi vange;+Hanauna po aveshe ovo tava hepeke nge,*+Osheshi ame omupiya woye.+

Omashangelo opedu

^ Ile “omwenyo wange.”
^ Ile “Eenghono.”
^ Ile “okukonakona.”
^ Ile “Omwenyo wange owa.”
^ Ile “mombila.”
^ Eln., “Omhepo.”
^ Ile “Osheshi kwoove oko handi yelulile omwenyo wange.”
^ Ile “medu lovayuki.”
^ Ile “omwenyo wange.”
^ Eln., “mweneka.”
^ Ile “omwenyo wange.”

Oufemba u na sha noumwene woshishangomwa eshi