Epsalme 7:1-17
-
Jehova Omutokoli omuyuki
-
“Alikana! Jehova, tokole nge” (8)
-
Eimbilokemo* laDavid, olo a imbila Jehova, li na sha neendjovo daKus, Omubenjamin.
7 Akutu! Jehova, Kalunga kange, onda konga eameno mwoove.+
Amene nge nokuxupifa nge kwaaveshe ovo tava hepeke nge.+
2 Ngeenge hasho, otava ka nyanyaula nge* moinhimbu, ngaashi onghoshi hai ningi,+Nokuya naame nopehe na oo ta xupifa nge.
3 Akutu! Jehova, Kalunga kange, ngeenge ondi na epuko moshinima eshi,Ngeenge onda katuka shihe li pauyuki,
4 Ngeenge onda ninga nai oo ta ningile nge ouwa,+Ile ngeenge onda nyeka omutondi wange nopehe na etomheno lasha,*
5 Omutondi wange na taatae nge, ndele ta kwata nge;*Na lyataulile omwenyo wange pedu,Nokuningifa efimano lange li hanaukile mondwi. (Sela)
6 Alikana! Jehova, fikama wa handuka;Fikama u kondjife ehandu lovatondi vange;+Fikama u kwafele nge, nokupula ouyuki u longwe.+
7 Oiwana nai ku dingilile;Noto ke i katukila onghatu okudja pombada.
8 Jehova ota ka tokola ovanhu.+
Alikana! Jehova, tokole nge she likolelela kouyuki wangeNoshe likolelela koudiinini wange.+
9 Alikana, xulifa po oilonga ii yovakolokoshi.
Ashike amena ovayuki,+Molwaashi ove oKalunga omuyuki,+ oo ha konakona omitima+ nomaliudo omoule.*+
10 Kalunga oye oshikelelifo shange,+ Omuxupifi waavo ovayuki momitima.+
11 Kalunga Omutokoli omuyuki,+Na Kalunga oha shiivifa omatokolo* aye efiku keshe.
12 Ngeenge umwe ite lidilulula,+ Ye ota upike eongamukonda laye;+Ye ota lukile outa waye, noku u longekida.+
13 Ota longekida oilwifo yaye ya nyika oshiponga;Ota longekida oikuti yaye ya xwama omundilo.+
14 Tala kwaao e na oufimba woukolokoshi;Oku na oufimba woupyakadi, nota dala oipupulu.+
15 Ota fe elambo, note li fe la ya moule,Ashike ota wile melambo, olo a fa.+
16 Oupyakadi oo ha etifa otau alukile komutwe waye;+Elongifo laye leenghono otali ka wila koshikoroni shokomutwe waye.
17 Ohandi tange Jehova omolwouyuki waye;+Ohandi imbile omaimbilohambelelo* edina Jehova,+ Omukombadambada.+
