Epsalme 98:1-9

  • Jehova Omuxupifi nOmutokoli omuyuki

    • Exupifo laJehova la shiivika (2, 3)

Eimbilo. 98  Imbileni Jehova eimbilo lipe,+Osheshi okwa ninga oinima ikumwifi.+ Eke laye lokolulyo, okwooko kwaye kuyapuki, ola eta exupifo.*+  2  Jehova okwa shiivifa exupifo laye;+Okwa holola ouyuki waye moipafi yoiwana.+  3  Okwa dimbuluka okuulikila eumbo laIsrael ohole i na oudiinini nosho yo oudiinini waye.+ Ominghulo adishe dedu oda mona exupifo laKalunga ketu.*+  4  Edu alishe nali ingide nehafo kuJehova. Nali kale la nyakukwa nokwiingida nehafo nokwiimba omaimbilohambelelo.*+  5  Jehova mu imbileni omaimbilohambelelo* nokaxumbafeta,Nokaxumbafeta nosho yo omikwelengedjo deimbilo.  6  Pamwe nomanghuma nosho yo ewi loluvinga,+Ingideni nehafo koshipala shOhamba, Jehova.  7  Efuta nali popome nosho yo oinima aishe oyo i li mo,Edu* naavo ve li ko nava ingide pombada nehafo.  8  Omilonga nadi pandule omake ado;Eemhunda adishe nadi ingide nehafo+  9  Koshipala shaJehova, molwaashi ote uya* okutokola edu. Ota ka tokola edu* pauyuki+Nosho yo ovanhu ehe na okatongo.+

Omashangelo opedu

^ Ile “ole mu etela efindano.”
^ Ile “efindano laKalunga ketu.”
^ Ile “nokushika omusika.”
^ Ile “shikileni omusika.”
^ Ile “Edu liwa.”
^ Ile “okwe uya.”
^ Ile “edu liwa.”

Oufemba u na sha noumwene woshishangomwa eshi