Epsalme 9:1-20
Komuwiliki; la stelwa puMutulaben.* Eimbilo laDavid.
א [Alef]
9 Akutu! Jehova, ohandi ke ku tanga nomutima wange aushe;Ohandi ka popya kombinga yoikumwifilonga yoye aishe.+
2 Ohandi ka hafa nokunyakukwa omolwoye;Akutu! Omukombadambada,+ edina loye ohandi ke li imbila omaimbilohambelelo.*
ב [Bet]
3 Ngeenge ovatondi vange ova i onhapo,+Otava ka punduka nokuxula po moipafi yoye.
4 Osheshi oho popile nge omolwouyuki wange;Ou li omutumba kolukalwapangelo loye to tokola pauyuki.+
ג [Gimel]
5 Owa hanyena oiwana,+ nowa hanauna po ovakolokoshi,Owa dima po omadina avo alushe fiyo alushe.
6 Omutondi okwa hanaunwa po fiyo alushe;Owa dikulula po oilando yavo,Noitava ka dimbulukiwa vali nande.+
ה [He]
7 Ashike Jehova oku li kolukalwapangelo fiyo alushe;+Okwa dika po olukalwapangelo laye la pama louyuki.+
8 Ota ka tokola edu* pauyuki;+Ota ka yandja koiwana etokolo lopamhangu li li pauyuki.+
ו [Waw]
9 Jehova ota ka kala ouhondameno wa amenwa* kovafininikwa,+Ouhondameno wa amenwa pomafimbo oudjuu.+
10 Ovo ve shii edina loye otave ke lineekela mwoove;+Akutu! Jehova, ito efa nandenande ovo tave ku kongo.+
ז [Zayin]
11 Imbileni Jehova omaimbilohambelelo, oo e li muSion;Shiivifeni oilonga yaye mokati kovanhu.+
12 Osheshi oo ta pula ohonde yavo ote va dimbuluka;+Ita dimbwa okulila kwomufininikwa.+
ח [Het]
13 Alikana! Jehova, file nge onghenda; tala eshi handi fininikwa kwaavo ve tonde nge,Ove ou to pitifa nge momivelo defyo,+
14 Opo ndi shiivife oilonga yoye ya tumbala pomivelo domonakadona waSion,+Nondi hafele oilonga yoye yexupifo.+
ט [Tet]
15 Oiwana oya ningina melambo, olo ya fa;Eemhadi dayo oda kwatwa kelulo,* olo va holeka.+
16 Jehova oku shiivike omolwetokolo olo a yandja.+
Omukolokoshi okwa yulwa koilonga yomake aye mwene.+
Higgaion.* (Sela)
י [Yod]
17 Ovakolokoshi otava ka ya onhapo va finda mOmbila,*Oiwana aishe oyo ya dimbwa Kalunga.
18 Ndele ohepele itai ka dimbiwa alushe;+Neteelelo lovalidiiniki* itali xulu po nandenande.+
כ [Kaf]
19 Alikana! Jehova, fikama! Ino efa omunhu oo ehe kwete okufya a findane.
Oiwana nai tokolwe moipafi yoye.+
20 Alikana! Jehova, va mbadameka;+Oiwana nai shiive kutya vo ovanhu ashike ovo vehe kwete okufya. (Sela)
Omashangelo opedu
^ Tala Omafatululo oitya.
^ Ile “shikile omusika.”
^ Ile “edu liwa.”
^ Ile “eameno la shiya ko.”
^ Eln., “konete.”
^ Tala Omafatululo oitya.
^ Ile “mo-Sheol,” sha hala okutya, koufi. Tala Omafatululo oitya.
^ Ile “lovalininipiki.”
