Epsalme 146:1-10

  • Lineekela muKalunga, ndele hamovanhu

    • Omadiladilo omunhu ohaa xulu po pefyo (4)

    • Kalunga ota yambula po ovo va nyongamekwa (8)

146  Tangeni Jah!*+ Ounhu wange* aushe nau tange Jehova.+  2  Ohandi tange Jehova onghalamwenyo yange aishe. Ohandi imbile omaimbilohambelelo* Kalunga kange, ofimbo ndi na omwenyo.  3  Inamu tula elineekelo leni movapangeli,*Ile momona womunhu, oo ita dulu okweeta exupifo.+  4  Omhepo* yaye ngeenge ya di mo, oha shuna medu;+Mefiku olo tuu olo, omadiladilo aye ohaa xulu po.+  5  Oo ta kala a hafa oye oo e na Kalunga kaJakob e li omukwafi waye,+Oo eteelelo laye li li muJehova, Kalunga kaye,+  6  Omumi weulu nedu,Wefuta noinima aishe oyo i li mo,+Oo ha kala alushe omudiinini,+  7  Oo ta amene pauyuki ovo va kengelelwa,Oo ta yandje omungome kwaavo va fya ondjala.+ Jehova ota mangulula ovanadolongo.*+  8  Jehova ota pashula omesho ovapofi;+Jehova ota yambula po ovo va nyongamekwa;+Jehova oku hole ovayuki.  9  Jehova ota amene ovanailongo;Ota pameke okaana, oko kehe na xe, nosho yo omufiyekadi,+Ashike ota ponyifa eemhangela dovakolokoshi.*+ 10  Jehova ota kala Ohamba fiyo alushe,+Ove Sion, Kalunga koye ota kala Ohamba okudja kepupi fiyo okepupi. Tangeni Jah!*

Omashangelo opedu

^ Ile “Halleluya!” “Jah” exupipiko ledina Jehova.
^ Ile “Omwenyo wange.”
^ Ile “shikile omusika.”
^ Ile “movaleli.”
^ Ile “Omufudo.”
^ Eln., “ovo ve li meemango.”
^ Ile “ota ngolyola eendjila dovakolokoshi.”
^ Ile “Halleluya!” “Jah” exupipiko ledina Jehova.

Oufemba u na sha noumwene woshishangomwa eshi