Epsalme 22:1-31
Komuwiliki; oli na okwiimbwa mongovela “Omenye* yonghadi yeluwa tali tende.”* Eimbilo laDavid.
22 Kalunga kange, Kalunga kange, omolwashike wa ekela nge shi?+
Omolwashike u li kokule nokuxupifa nge,Kokule nokulila kwange omolwokumona oixuna?+
2 Kalunga kange, omutenya, ohandi kala handi ku ifana, ndele iho nyamukula nge;+Noufiku, ihandi kala nda mwena.
3 Ashike ove omuyapuki,+Nowa dingililwa* komaimbilohambelelo Ovaisrael.
4 Ootate ova kala ve lineekela mwoove;+Ova kala ve na elineekelo, nowa kala to va xupifa.+
5 Ove ku lilila ekwafo, nova xupifwa;Ove lineekela mwoove, noinava nyematekwa.*+
6 Ashike ame epuka, ndele kandi fi omunhu,Handi shekwa* kovanhu, nondi tondike kovanhu.+
7 Aveshe ovo tava mono nge ohava sheke nge;+Ohava sheke nge nokupukaapuka omitwe davo, va lulika oipala+ tava ti:
8 “Okwe lineekela muJehova. Ne Mu xupife.
Ne Mu xupife, osheshi oku Mu hole unene.”+
9 Oove wa kufa nge mo moshidalelo,+Ou wa ningifa nge ndi kale ndi udite nda amenwa, eshi nda ukatwa kumeme.
10 Onda kala nde lineekelelwa mefiloshisho loye* okudja pedalo;Owa kala Kalunga kange, eshi nda dja moshidalelo shameme.
11 Ino kala kokule naame, osheshi oupyakadi ou li popepi,+Nokandi na vali omukwafi umwe e lili.+
12 Eendumetana dihapu oda dingilila nge;+Eemhedi di na eenghono dokuBasan oda dingilila nge.+
13 Ohadi ekamekele nge omakanya ado a pwa ko,+Ngaashi onghoshi tai kumbu, oyo tai nyanyaula oshihakanwa shayo moinhimbu.+
14 Onda tilwashi ngaashi omeva;Omakipa ange aeshe okwa dja ponhele.
Omutima wange owa ninga ngaashi edi leenyiki;+Otau hengumuka meni lange mwii.+
15 Eenghono dange oda kukutila ngaashi okakangwa;+Elaka lange otali kanyatele koshama;+Ove oto twala nge mondwi yefyo.+
16 Osheshi eembwa oda dingilila nge;+Oda ehena mwaame, ngaashi ongudu yovalongi vowii;+Ngaashi onghoshi, odi li pomake nopeemhadi dange.+
17 Ohandi dulu okuvalula omakipa ange aeshe.+
Ohadi a tale nokudakamena nge mo omesho.
18 Ove litukulila oikutu yange,Noikutu yange ove i umbila oihoololifo.+
19 Ashike ove, akutu! Jehova, ino kala kokule.+
Oove eenghono dange; endelela u kwafele nge.+
20 Xupife nge* keongamukonda;Omwenyo wange u na ondilo* u xupifa komakasha* eembwa;+
21 Xupife nge mokanya konghoshi+ nokeembinga deemhedi domoixwa;Nyamukula nokuxupifa nge.
22 Edina loye ohandi ke li shiivifila ovamwatate;+Ohandi ke ku tanga mokati keongalo.+
23 Nye ovo hamu tila Jehova, mu tangeni.
Nye oludalo alishe laJakob, mu fimanekeni.+
Mu fimanekeni, mwe mu kuminwa, nye oludalo alishe laIsrael.
24 Osheshi ke yele noine lipwililikila okumona oixuna kwomufininikwa;+Ine mu holeka oshipala shaye.+
Eshi e mu lilila ekwafo, okwa uda ko.+
25 Ohandi ku tange meongalo linene;+Ohandi wanifa po eano lange moipafi yaavo have mu tila.
26 Ovalidiiniki* otava ka lya notava kala va kuta;+Ovo tava kongo Jehova otave ke mu tanga.+
Hafela onghalamwenyo* fiyo alushe.
27 Ominghulo adishe dedu otadi ka dimbuluka nokwaalukila kuJehova.
Omaludi aeshe oiwana otae ke ku linyongamena.+
28 Osheshi ouhamba owaJehova;+Ota pangele oiwana.
29 Aveshe ovo va tumbala* kombada yedu otava ka lya nokulinyongamena;Aveshe ovo tava i mondwi yedu otave ke mu twila eengolo;Kape na umwe womuvo ta dulu okuxupifa eemwenyo davo.
30 Oludalo lavo otali ke mu longela;Epupi, olo tali uya, otali ka lombwelwa kombinga yaJehova.
31 Otave ke uya, nokupopya kombinga youyuki waye.
Otava ka lombwela ovanhu, ovo tava ka dalwa, osho a ninga.
Omashangelo opedu
^ Ile “Onyapi.”
^ Tashi dulika ongovela, ile omushingo womusika.
^ Ile “Nou li kolukalwapangelo mokati.”
^ Ile “noinava fifwa ohoni.”
^ Ile “Nda dinika.”
^ Eln., “nda ekelwa kwoove.”
^ Ile “omwenyo wange.”
^ Eln., “Wange oo auke,” tashi ulike komwenyo waye, ile konghalamwenyo.
^ Eln., “komake.”
^ Ile “Ovalininipiki.”
^ Eln., “Omutima woye nau kale nomwenyo.”
^ Eln., “ondoka.”
