Epsalme 51:1-19
Komuwiliki. Eimbilo laDavid, eshi omuprofeti Natan e uya kuye, konima eshi David a nangala naBatseba.+
51 Alikana! Kalunga, file nge onghenda omolwohole yoye i na oudiinini.+
Dima po omatauluko ange omolwonghenda yoye inene.+
2 Koshole nge filufilu omolwepuko lange,+Nokuyelifa nge komatimba ange.+
3 Osheshi ondi shi shii nawa omatauluko ange,Nomatimba ange oku li alushe komesho yange.*+
4 Komesho yoinima aishe,* onda nyona, unene tuu kwoove;+Onda ninga osho shii momesho oye.+
Onghee hano oumuyuki ngeenge to popi,Ou li mondjila metokolo loye.+
5 Tala! Onda dalwa ndi na omatimba,Nameme okwa dala nge moulunde.*+
6 Tala! Oho hafele oshili, oyo i li momutima;*+Honge nge, opo ndi mone ounongo washili meni lange.*
7 Yelife nge komatimba ange noixwa yoisopi, opo ndi kale nda koshoka;+Koshe nge, opo ndi kale ndimutoka ndi dule olumi.*+
8 Onda hala okuuda omawi ehafo nosho yo enyaku,Opo omakipa, oo wa nyanyaula, a nyakukwe.+
9 Pungulula ko oshipala shoye* komatimba ange,+Nokudima po* filufilu omapuko ange aeshe.+
10 Alikana! Kalunga, shitila mwaame omutima wa yela,+Ndele to tula mwaame omhepo ipe,+ ihai tengauka.
11 Ino kufa nge ko koshipala shoye;Noino kufa po omhepo yoye iyapuki pwaame.
12 Hafife nge vali nexupifo loye;+Pendula mwaame ehalo lokudulika kwoove.*
13 Ohandi hongo ovanyoni eendjila doye,+Opo ovalunde va alukile kwoove.
14 Alikana! Kalunga, Kalunga kexupifo lange,+ xupife nge ketimba lohonde,+Opo elaka lange li hepaulule nehafo ouyuki woye.+
15 Alikana! Jehova, makula omilungu dange,Opo okanya kange ka dule oku ku tanga.+
16 Ngeno owa li wa hala eyambo, ngeno ohandi li yandje;+Ove iho hokwa exwikiloyambo alishe.+
17 Omayambo taa hafifa Kalunga oo omhepo ya nyanyauka;Akutu! Kalunga, omutima wa teyauka nowa nyanyauka ito u efa po.*+
18 Ningila Sion ouwa nehalo liwa;Tunga omakuma aJerusalem.
19 Opo nee oto ka hokwa omayambo a yambwa pauyuki,Omaxwikiloyambo nomayambo aeshe e lixwa po;Neengobe deemhedi otadi ka yambwa koaltari yoye.+
