Epsalme 116:1-19
116 Ondi hole Jehova,Molwaashi oha udu* ondaka yange, eshi handi pula ekwafo.+
2 Osheshi oha pakalekele okutwi kwaye* kwaame,+Nohandi mu ifana, ofimbo ndi na omwenyo.*
3 Eengodi defyo oda li da dingilila nge;Ombila oya li i kwete nge ya diinina.*+
Onda li nda wililwa po koudjuu nokoluhodi.+
4 Ashike onda li nda ifana edina Jehova+ nda ti:
“Alikana! Jehova, xupife nge!”*
5 Jehova omunalukeno* nomuyuki;+Kalunga ketu omunanghenda.+
6 Jehova oha amene ovo vehe na owino.+
Onda li nda kanifa eenghono, nokwa xupifa nge.
7 Omwenyo* wange nau fude po vali,Osheshi Jehova okwa ungaunga naame nonghenda.
8 Owa xupifa nge* mefyo,Eisho lange okomahodi; omhadi yange okokupunduka.+
9 Ohandi ende moipafi yaJehova medu lovanamwenyo.
10 Molwaashi onda kala ndi na eitavelo, onda popya;+Onda li nda fininikwa neenghono.
11 Ame onda haluka, ndele handi ti:
“Omunhu keshe omunaipupulu.”+
12 Ohandi ku shunifile shike Jehova,Omolwoinima aishe iwa oyo wa ningila nge?
13 Ohandi ka kufa po eholo lexupifo,*Nohandi ka ifana edina Jehova.
14 Ohandi wanifa po osho nda udanekela JehovaMoipafi yoshiwana shaye ashishe.+
15 Ohashi ehameke* Jehova,Ngeenge a filwa ovadiinini vaye.+
16 Alikana! Jehova, ohandi ku lilile ekwafo,Osheshi ame omupiya woye.
Ame omupiya woye, omonamati womupiya woye okakadona.
Owa mangulula nge meemango dange.+
17 Ohandi ke ku pa omapanduloyambo;+Ohandi ka ifana edina Jehova.
18 Ohandi wanifa po osho nda udanekela Jehova+Moipafi yoshiwana shaye ashishe,+
19 Momikala domeumbo laJehova,+Mokati koye, ove Jerusalem.
Tangeni Jah!*+
Omashangelo opedu
^ Ile tashi dulika, “Ondi hole, molwaashi Jehova oha udu.”
^ Ile “endeke, a pwilikine.”
^ Eln., “momafiku ange.”
^ Eln., “Oudjuu wo-Sheol owa li wa hanga nge.”
^ Ile “omwenyo wange.”
^ Ile “oku na onghedi iwa.”
^ Tala Omafatululo oitya.
^ Ile “omwenyo wange.”
^ Ile “exupifo linene.”
^ Eln., “Oshi na ondilo momesho.”
^ Ile “Halleluya!” “Jah” exupipiko ledina Jehova.
