Epsalme 107:1-43
107 Panduleni Jehova, osheshi ye omuwa;+Ohole yaye i na oudiinini otai kala po fiyo alushe.+
2 Ovo va mangululwa* kuJehova nava popye ngaho,Ovo a mangulula momake* omutondi,+
3 Ovo a ongela pamwe okudja koitukulwa,+Okudja koushilo nosho yo okudja kouninginino,*Okudja kolundume nosho yo okudja kolukadi.+
4 Ova endaenda mombuwa, momaluhaela;Inava mona ondjila ya finda koshilando, omo tava dulu okukala hava di.
5 Ova li va fya ondjala nenota;Ova li* va nghundipala keloloko.
6 Moudjuu wavo, ova kala tava pula ekwafo kuJehova;+Okwe va xupifa moupyakadi wavo.+
7 Okwe va ningifa va ende mondjila ya yuka,+Opo ve uye koshilando, oko tava dulu okukala hava di.+
8 Ovanhu nava pandule Jehova+ omolwohole yaye i na oudiininiNomolwoilonga yaye ikumwifi, oyo a longela ovana vovanhu.+
9 Osheshi okwa kumwifa ovo va fya enota,*Nokwa kutifa ovo va fya ondjala* noinima iwa.+
10 Vamwe ova li hava kala momilaulu fokofoko,Ovanadolongo tava fininikwa nove li momalyenge.
11 Osheshi ova tukululila oshibofa ondjovo yaKalunga;Kava li va fimaneka omayele Omukombadambada.+
12 Onghee okwa ninipika omitima davo noudjuu;+Ova punduka, nokapa li oo ta dulu oku va kwafela.
13 Moudjuu wavo, ova pula ekwafo kuJehova;Okwe va xupifa moupyakadi wavo.
14 Okwe va kufa mo momilaulu fokofoko,Nokwa tokaula mo omalyenge avo.+
15 Ovanhu nava pandule Jehova omolwohole yaye i na oudiinini+Nomolwoilonga yaye ikumwifi, oyo a longela ovana vovanhu.
16 Osheshi okwa teyaula omivelo dongopolo,Nokwa tetaula oihakifo yoshivela shilaula.+
17 Ova li omalai, nova mona oixuna kokufininikwa+Omolwomatauluko nomapuko avo.+
18 Ova li va kanifa ehalo lavo* loikulya aishe;Ova li va ehena popepi nomivelo defyo.
19 Moudjuu wavo, ova li hava pula ekwafo kuJehova;Okwa kala te va xupifa moupyakadi wavo.
20 Okwa kala te va tumine ondjovo yaye noku va velula,+Noku va xupifa momalambo, omo va li va kondekelwa.
21 Ovanhu nava pandule Jehova omolwohole yaye i na oudiininiNomolwoilonga yaye ikumwifi, oyo a longela ovana vovanhu.
22 Nava yandje omapanduloyambo,+Nokushiivifa oilonga yaye nehafo linene.
23 Ovo hava i molweendo mefuta neeskepa,Ovo hava ningile omangeshefelo kombada yomeva mahapu,+
24 Ova mona oilonga yaJehovaNosho yo oilonga yaye ikumwifi moule wefuta;+
25 Nghee oshikungulu shomhepo hashi tukuluka kondjovo yaye,+Tashi tumbu po omakufikufi omefuta.
26 Ohava yelulwa pombada;Ohava twalwa pedu koshi elela.
Ouladi* wavo ohau kana po omolwoupyakadi oo hava kala va taalela.
27 Ohava alangata nokupungauka, ngaashi omulumenhu ongholwe,Nounghulungu wavo aushe ohau ulike kutya owongaho elela.+
28 Opo nee moudjuu wavo, ohava pula ekwafo kuJehova,+Nohe va xupifa moupyakadi wavo.
29 Oha loteke oshikungulu shomhepo;Omakufikufi omefuta ohaa mwena.+
30 Ohava kala va hafa, eshi ya lota,Nohe va twala ketuliloskepa, oko va hala.
31 Ovanhu nava pandule Jehova omolwohole yaye i na oudiininiNomolwoilonga yaye ikumwifi, oyo a longela ovana vovanhu.+
32 Nave mu tumbaleke meongalo lovanhu,+Nove mu tange mongudu* yovakulunhu.
33 Omilonga ohe di ningi ombuwa,Neefifiya domeva oukukutu wedu,+
34 Edu la lyata nawa edu loshimongwa,+Omolwoukolokoshi waavo ve li mo.
35 Ombuwa ohe i ningi omatale omeva e na eembungu,Noukukutu wedu eefifiya domeva.+
36 Oha ningifa ovo va fya ondjala va kale oko,+Opo va dule okutunga oshilando, omo tava dulu okukala hava di.+
37 Ohava kunu omapya nokutwika oikunino yomandjebele+Oyo hai imi oiimati ihapu.+
38 Ohe va nangeke noupuna, nohava hapupala neenghono;Iha efa eengobe davo di ninipale.+
39 Ashike natango ohava ninipala nokufifwa ohoniOmolwomafininiko, oupyakadi noluhodi.
40 Ovaleli ohe va fifa ohoniNoku va elaelifa mombuwa omo muhe na ondjila.+
41 Ashike oha amene* eehepele komafininiko,+Noha hapupalifa omaukwaneumbo ado ngaashi oufita.
42 Ovayuki ohave shi mono nohava nyakukwa;+Ashike aveshe ovo vehe fi ovayuki, ohava pate omakanya avo.*+
43 Keshe oo omunaendunge ota ka dulika koinima oyo,+Nota ka konakona noukeka oilonga yaJehova yohole i na oudiinini.+
Omashangelo opedu
^ Ile “kulilwa.”
^ Ile “meenghono.”
^ Ile “Okudja oko haku piti etango nosho yo okudja oko haku ningine etango.”
^ Ile “Eemwenyo davo oda li.”
^ Ile “eemwenyo odo da notelwa.”
^ Ile “eemwenyo odo da fya ondjala.”
^ Ile “Eemwenyo davo oda li da tonda.”
^ Ile “Omwenyo.”
^ Eln., “kolukalwa.”
^ Ile “tula pombada,” sha hala okutya, pehe na ou te va hange.
^ Ile “ohava mwena filufilu.”
