Epsalme 71:1-24
71 Onda konga eameno mwoove, akutu! Jehova.
Inandi fifwa nande ohoni.+
2 Amene nge, nokuxupifa nge molwouyuki woye.
Pakalekela okutwi kwoye* kwaame nokuxupifa nge.+
3 Kala emanya lange lohotekuma,Omo handi dulu alushe okuya.
Yandja elombwelo u xupife nge,Osheshi oove emanya lange nohotengulu yange.+
4 Alikana! Kalunga, xupife nge meke lomukolokoshi,+Meke laao ta fininike nge shihe li pauyuki.
5 Osheshi oove elineekelo lange, akutu! Omwene Omunamapangelo aeshe, Jehova;Okudja kounyasha wange, onda kala nde lineekela mwoove.*+
6 Okudja kedalo, onde lineekela mwoove;Oove wa kufa nge moshidalelo shameme.+
Ohandi ku tange alushe.
7 Ovanhu vahapu ohava kala va kuminwa nge, eshi va mona osho sha ningilwa nge,Ashike oove ouhondameno wange wa pama.
8 Okanya kange otake ku tange alushe;+Efimbo alishe ohandi hepaulula kombinga yewapalo loye.
9 Ino ekela nge shi moukulupe wange;+Ino efa nge, ngeenge eenghono dange tadi ninipala.+
10 Ovatondi vange otava popi nge,Naavo va hala okudipaa nge* otave likundu+
11 Tava ti: “Kalunga okwe mu efa po.
Mu taataeni noku mu kwata po, osheshi kape na oo te mu xupifa.”+
12 Alikana! Kalunga, ino kala kokule naame.
Alikana! Kalunga kange, endelela u kwafele nge.+
13 Ovo tava kondjifa nge*Nava fifwe ohoni nokuxula po.+
Ovo va hala okweetela nge oupyakadiNava tuvikilwe nelengwa nosho yo nohoni.+
14 Ashike ame, ohandi twikile okuteelela;Ohandi weda ko koku ku tanga.
15 Okanya kange otaka ka hokolola ouyuki woye,+Nefimbo alishe oilonga yoye yexupifo,Nonande oihapu kwaame okukoneka.*+
16 Ohandi uya, nokupopya kombinga yoinenelonga yoye,Akutu! Omwene Omunamapangelo aeshe, Jehova;Ohandi ka tumbula ouyuki woye, woye auke.
17 Kalunga kange, owa honga nge okudja kounyasha wange,+Nofiyo opaife ohandi twikile okuhepaulula oilonga yoye ikumwifi.+
18 Alikana! Kalunga, nokuli nongeenge onda kulupa, nokuninga eenghwakutoka, ino efa nge.+
Nandi lombwele epupi tali shikula ko kombinga yeenghono* doye dinene,Nosho yo aveshe ovo tave uya kombinga younene woye.+
19 Akutu! Kalunga, ouyuki woye owa twa pombada;+Owa longa oinima inene;Akutu! Kalunga, olyelye e ku fa?+
20 Nonande owa efa ndi hangwe koupyakadi muhapu nokoudjuu,+Alulile nge vali eenghono;Kufe nge mo moule* wedu.+
21 Hapupalifa etumbalo langeNokudingilila nge, nou hekeleke nge.
22 Opo nee ohandi ke ku tanga noshishikomwa sheengodi,Omolwoudiinini woye, akutu! Kalunga.+
Ohandi ku imbile omaimbilohambelelo* nokaxumbafeta,Akutu! Omuyapuki waIsrael.
23 Omilungu dange otadi ke ku tanga nehafo, eshi handi ku imbile omaimbilohambelelo,+Osheshi owa xupifa omwenyo wange.*+
24 Elaka lange otali ka popya kombinga* youyuki woye efimbo alishe,+Osheshi ovo va hala okuhanauna nge po, otava ka fifwa ohoni nokulengaifwa.+
