Epsalme 26:1-12

  • Okweenda moudiinini

    • “Alikana! Jehova, konakone nge” (2)

    • Okuhenuka eendafano lii (4, 5)

    • ‘Ohandi dingilile oaltari yaKalunga’ (6)

Epsalme laDavid. 26  Alikana! Jehova, tokole nge, osheshi onda enda moudiinini wange;+Onda kala nde lineekela muJehova nopehe na okutengauka.+  2  Alikana! Jehova, konakone nge, ndele to yeleke nge;Yelifa omadiladilo ange omoule* nomutima wange.+  3  Osheshi ohole yoye i na oudiinini oi li alushe komesho yange,Nohandi ende moshili yoye.+  4  Ihandi endafana* novakengeleledi,+Nohandi henuka ovo hava holeke osho ve li.*  5  Ondi tonde ongudu yovalongi vowii,+Nohandi anye okweendafana* novakolokoshi.+  6  Ohandi kosho omake ange, ndi ulike kutya nghi na etimba,Nohandi dingilile oaltari yoye, akutu! Jehova,  7  Opo ndi ningife ondaka yomapandulo i udike,+Nondi hepaulule oinenelonga yoye aishe.  8  Jehova, ondi hole eumbo, omo ho kala,+Onhele, omo hamu kala efimano loye.+  9  Ino komba nge po* pamwe novalunde,+Noino kufa po omwenyo wange pamwe novalongifi veenghono,* 10  Ovo omake avo haa longo oilonga ififa ohoni,Naavo eke lavo lokolulyo li yadi ombubo. 11  Ashike ame ohandi ende moudiinini wange. Xupife* nge nokufila nge onghenda. 12  Omhadi yange oya fikama pedu la lalakana;+Ohandi tange Jehova meongalo linene.*+

Omashangelo opedu

^ Ile “omaliudo ange omoule.” Eln., “eefiyo dange.”
^ Eln., “kala omutumba.”
^ Ile “Noihandi endafana novanaihelele.”
^ Eln., “okukala omutumba.”
^ Ile “omwenyo wange.”
^ Ile “pamwe naavo hava tileshi ohonde.”
^ Eln., “Kulile.”
^ Eln., “moyoongalele.”

Oufemba u na sha noumwene woshishangomwa eshi