Epsalme 96:1-13
96 Imbileni Jehova eimbilo lipe.+
Edu alishe, imbileni Jehova.+
2 Imbileni Jehova; tangeni edina laye.
Hepaululeni onghundana iwa yexupifo laye efiku nefiku.+
3 Shiivifeni efimano laye mokati koiwana,Oilonga yaye ikumwifi mokati kovanhu aveshe.+
4 Jehova omunene, nokwa wana filufilu okutangwa.
Ye omukumwifi neenghono e dule ookalunga aveshe.
5 Ookalunga aveshe vovanhu ovo ookalunga vongaho,+Ashike Jehova oye a shita eulu.+
6 Efimano* nosho yo etumbalo oye mu dingilila;+Eenghono newapalo oi li monhele yaye iyapuki.+
7 Yandjeni kuJehova osho e na okupewa, nye ovanhu vomaludi aeshe.Yandjeni kuJehova osho e na okupewa omolwoshinge neenghono daye.+
8 Yandjeni kuJehova oshinge osho shi na okupewa edina laye;+Eteni eeshali, ndele tamu uya momikala daye.
9 Linyongameneni* Jehova mwa djala oikutu iyapuki;*Edu alishe nali kakame koshipala shaye.
10 Hepaululeni mokati koiwana tamu ti: “Jehova okwa ninga Ohamba!+
Edu* ola dikwa po la pama; itali dulu okulinyenganyengifwa.*
Ota tokola* ovanhu pauyuki.”+
11 Eulu nali nyakukwe, nedu nali hafe;Efuta nali popome nosho yo oinima aishe oyo i li mo;+
12 Omifitu noinima aishe oyo i li mo nai nyakukwe.+
Pefimbo opo tuu opo, omiti adishe domofuka nadi nyakukwe+
13 Koshipala shaJehova, molwaashi ote uya,*Te uya okutokola edu.
Ota ka tokola edu* pauyuki+Nosho yo ovanhu noudiinini waye.+
