Epsalme 97:1-12
97 Jehova okwa ninga Ohamba!+
Edu nali hafe.+
Ounhunhu vahapu nava nyakukwe.+
2 Oilemo nomilaulu fokofoko oye mu dingilila keembinga adishe;+Ouyuki nosho yo osho sha yuka oi li ekanghameno lolukalwapangelo laye.+
3 Omundilo ohau mu tetekele,+Nokulungwinifa po ovatondi vaye keembinga adishe.+
4 Omundilo wokashelu kaye ohau minikile edu;Edu ohali u mono nohali kakama.+
5 Eemhunda ohadi hengumuka ngaashi edi leenyiki koshipala shaJehova,+Moipafi yOmwene wedu alishe.
6 Eulu ohali hepaulula ouyuki waye,Novanhu aveshe ohava mono oshinge shaye.+
7 Aveshe ovo hava longele oshihongwafano sholudi keshe, nava fifwe ohoni,+Ovo have litangele ookalunga vavo vongaho.+
Ookalunga amushe nye,+ mu linyongameneni.*
8 Sion ohe a udu, noha nyakukwa;+Eedoolopa* daJuda oda hafa,Omolwomatokolo oye, akutu! Jehova.+
9 Osheshi ove, akutu! Jehova, oove Omukombadambada kombada yedu alishe;Owa tumbala neenghono u dule ookalunga aveshe.+
10 Nye ovo mu hole Jehova, tondeni osho shii.+
Ota amene eemwenyo dovadiinini vaye;+Ohe va xupifa meke* lovakolokoshi;+
11 Ouyelele owa minikila ovayuki,+Nehafo ole uya kwaavo vayuki momitima.
12 Hafeni molwaJehova, nye ovayuki,Nokupandula edina* laye liyapuki.
