Epsalme 135:1-21
135 Tangeni Jah!*
Tangeni edina Jehova;Nye ovapiya vaJehova, mu tangeni,+
2 Nye ovo mwa fikama meumbo laJehova,Momikala deumbo laKalunga ketu.+
3 Tangeni Jah, osheshi Jehova omuwa.+
Edina laye li imbileni omaimbilohambelelo,* osheshi oshiwa.
4 Osheshi Jah okwa hoolola Jakob a ninge waye,Israel e li oshiwana shaye she likalekelwa.*+
5 Osheshi ondi shi shii nawa kutya Jehova omunene;Omwene wetu omunenenene e dule ookalunga vamwe aveshe.+
6 Jehova oha longo keshe osho a hala okuninga+Meulu nokombada yedu, mefuta nosho yo moule aushe walo.
7 Oha ningifa oilemo* i litumbe okudja kominghulo dedu;Oha shelifa okashelu* modula;Oha kufa mo omhepo meemhungulilo daye.+
8 Okwa dipaa oiveli yaEgipiti,Ovanhu noinamwenyo.+
9 Okwa tuma omadidiliko noikumwifilonga mokati koye, Egipiti,+KuFarao nosho yo kovapiya vaye aveshe.+
10 Okwa hanauna po oiwana ihapu,+Nokudipaa eehamba dinaenghono,+
11 Sihon, ohamba yOvaamori,+Og, ohamba yaBasan,+Nosho yo omauhamba aeshe aKaanan.
12 Okwa yandja edu lavo li li efyuululo,Efyuululo kuIsrael, oshiwana shaye.+
13 Akutu! Jehova, edina loye otali kala po fiyo alushe.
Akutu! Jehova, etumbalo* loye otali kala po fiyo okomapupi aeshe.+
14 Osheshi Jehova ota ka amena* oshiwana shaye,+Nota ka kenukila* ovapiya vaye.+
15 Oikalunga yoiwana oya longwa moisilveri nomoingoli,Oilonga yomake ovanhu.+
16 Oi na omakanya, ashike ihai popi;+Oi na omesho, ashike ihai mono ko;
17 Oi na omatwi, ashike ihai udu ko.
Mokanya kayo kamu na omufudo.+
18 Ovanhu ovo ve i ninga otava ka kala ngaashi yo,+Nosho yo aveshe ovo ve lineekela muyo.+
19 Nye eumbo laIsrael, tangeni Jehova.
Nye eumbo laAron, tangeni Jehova.
20 Nye eumbo laLevi, tangeni Jehova.+
Nye ovo hamu tila Jehova, tangeni Jehova.
21 Jehova na tangwe okudja muSion,+Oo ha kala muJerusalem.+
Tangeni Jah!+
