Epsalme 25:1-22
Epsalme laDavid.
א [Alef]
25 Alikana! Jehova, ohandi uya* kwoove.
ב [Bet]
2 Kalunga kange, onde lineekela mwoove;+Ino efa nge, ndi fifwe ohoni.+
Ino efa ovatondi vange va hafe omolwange.+
ג [Gimel]
3 Oshoshili kutya, kape na oo te lineekele mwoove ta ka fifwa ohoni,+Ashike ovo hava kengelele vakwao nopehe na etomheno lasha, otava ka fifwa ohoni.+
ד [Dalet]
4 Alikana! Jehova, shiivife nge eendjila doye;+Honge nge omalila oye.+
ה [He]
5 Endife nge moshili yoye nokuhonga nge,+Osheshi oove Kalunga kange kexupifo.
ו [Waw]
Efimbo alishe, onde lineekela mwoove.
ז [Zayin]
6 Alikana! Jehova, dimbuluka onghenda yoye nohole yoye i na oudiinini,+Oyo wa kala alushe ho ulike.*+
ח [Het]
7 Ino dimbuluka omatimba omounyasha wange nomatauluko ange.
Dimbuluke nge omolwohole yoye i na oudiinini,+Omolwouwa woye, alikana! Jehova.+
ט [Tet]
8 Jehova omuwa nomuyuki.+
Nomolwaasho ha hongo ovalunde va ende mondjila, oyo ve na okukala.+
י [Yod]
9 Ota ka wilika ovalidiiniki* va longe osho sha yuka,*+Nota ka honga ovalidiiniki eendjila daye.+
כ [Kaf]
10 Omalila aJehova aeshe oku li ohole i na oudiinini noku shii okulineekelwaKwaavo hava diinine ehangano laye+ nomadimbulukifo aye.+
ל [Lamed]
11 Alikana! Jehova, omolwedina loye,+Dima po enyono lange, nonande ola kwata moiti.
מ [Mem]
12 Olyelye oo ha tila Jehova?+
Ote ke mu honga kombinga yondjila, oyo e na okuhoolola.+
נ [Nun]
13 Ye* ota ka mona osho shiwa,+Noludalo laye otali ka kala kombada yedu.+
ס [Samek]
14 Ovo hava tila Jehova ovo tava pange oukaume wopofingo naye,+Note va shiivifile ehangano laye.+
ע [Ayin]
15 Omesho ange okwa tala alushe kuJehova,+Osheshi oye ta mangulula eemhadi dange monete.+
פ [Pe]
16 Taalelifa oshipala shoye kwaame nokufila nge onghenda,Osheshi ondi li aame andike, nokandi na ou ta kwafele nge.
צ [Tsade]
17 Omutima wange owa djuupalelwa neenghono;+Mangulule nge kouyehame wange.
ר [Res]
18 Tala okufininikwa kwange noupyakadi wange,+Ndele to dimi po omatimba ange aeshe.+
19 Tala nghee ovatondi vange va hapupala,Nanghee ve yele nge, nova hala okumonifa nge oshiponga.
ש [Shin]
20 Amena onghalamwenyo yange* nokuxupifa nge.+
Ino efa nge, ndi fifwe ohoni, molwaashi onda konga eameno mwoove.
ת [Taw]
21 Oudiinini nouyuki nau amene nge,+Osheshi onda tula elineekelo lange mwoove.+
22 Alikana! Kalunga, xupifa* Israel momaudjuu aye aeshe.
