Epsalme 147:1-20
147 Tangeni Jah!*
Oshiwa okwiimbila* Kalunga ketu omaimbilohambelelo;Kashiwa tuu nosha wapala oku mu tanga!+
2 Jehova ota tungu Jerusalem;+Ota ongele pamwe ovakalimo vomuIsrael ovo ve lihanifwa.+
3 Oha velula ovo ve na omitima da teyauka;Ota mange oipute yavo.
4 Oha valula omuvalu weenyofi;Oha ifana keshe imwe kedina.+
5 Omwene wetu omunene, noku na eenghono dinene;+Ounongo waye itau dulu okuyelekwa nasha.+
6 Jehova oha yambula po ovalidiiniki,*+Ashike oha ekele pedu ovakolokoshi.
7 Imbileni Jehova nomapandulo;Imbileni Kalunga ketu omaimbilohambelelo pamwe nokaxumbafeta,
8 Oo ha uvike eulu noilemo,Oo ha lokifa odula kedu,+Oo ha ningifa omwiidi u twiyuke+ keemhunda.
9 Oha yandje oikulya koinamwenyo,+Koudilona vomakola, ovo tava kongo oikulya.+
10 Iha fuulwa keenghono donghambe;+Ile a kuminwe eenghono domaulu omulumenhu.+
11 Jehova oha hokwa ovo have mu tila,+Ovo hava teelele ohole yaye i na oudiinini.+
12 Ove Jerusalem, fimanekifa Jehova.
Ove Sion, tanga Kalunga koye.
13 Oha pameke oihakifo yoivelo yoshilando;Oha nangeke noupuna ovanamati voye.
14 Oshitukulwa shoye ote shi pe ombili;+Ote ku kutifa noilya yo-wheat ya denga mbada.*+
15 Oha tumu oshipango shaye kombada yedu;Ondjovo yaye ohai tondoka onhapo yoshidudu.
16 Oha tumu olumi,* ngaashi olududi leedi;+Ohe lihanifa oikangwameva, ngaashi ashike omute.+
17 Oha lokifile pedu eemhawe* daye, ngaashi oundjaumukile vomungome.+
Olyelye ta dulu okulididimikila outalala waye?+
18 Oha tumu ondjovo yaye, nohadi hengumuka.
Oha pepifa omhepo yaye,+ nomeva ohaa kunguluka.
19 Oha shiivifile Jakob ondjovo yaye,Na Israel omaufomhango nomatokolo aye.+
20 Osho ine shi ningila oiwana imwe vali;+Kai shii sha kombinga yomatokolo aye.
Tangeni Jah!*+
