Epsalme 29:1-11
Eimbilo laDavid.
29 Yandjeni kuJehova osho e na okupewa, nye ovana vovanaenghono,Yandjeni kuJehova osho e na okupewa omolwoshinge neenghono daye.+
2 Yandjeni kuJehova oshinge osho shi na okupewa edina laye.
Linyongameneni* Jehova mwa djala oikutu iyapuki.*
3 Ondaka yaJehova oya udikila kombada yomeva;Kalunga, oo a tumbala, oha ngunguma.+
Jehova oku li kombada yomeva mahapu.+
4 Ondaka yaJehova oi na eenghono.+Ondaka yaJehova oikumwifi.
5 Ondaka yaJehova otai teyaula po omisederi;Heeno, Jehova oha hanauna po omisederi dokuLibanon.+
6 Oha ningifa Libanon* a nhuke ngaashi okatana,Na Sirion+ ngaashi ondumetana yomoixwa.
7 Ondaka yaJehova ohai di omalaka omundilo;+
8 Ondaka yaJehova ohai kakamifa+ ombuwa;Jehova oha kakamifa ombuwa yaKades.+
9 Ondaka yaJehova ohai ningifa omenye* i kakame noi dale,Nohai yeleke filu ofuka.+
Naaveshe ovo ve li motembeli yaye ohava ti: “Efimano oloye!”
10 Jehova oha kala omutumba kolukalwapangelo kombada yomeva efundja;*+Jehova oha kala omutumba kolukalwapangelo e li Ohamba yaalushe.+
11 Jehova ota pe oshiwana shaye eenghono.+
Jehova ota nangeke noupuna oshiwana shaye nombili.+
