Epsalme 16:1-11
Omiktam* yaDavid.
16 Alikana! Kalunga, amene nge, osheshi onda konga eameno mwoove.+
2 Onda lombwela Jehova nda ti: “Oove Jehova, Odjo yange youwa.
3 Novayapuki vokombada yedu,Ovo va fimanekwa, ohava etele nge ehafo linene.”+
4 Ovo hava shikula ookalunga vamwe, otava hapupalifa oluhodi lavo.+
Itandi tileshi nandenande oikunwayambo yavo yohonde,Nomilungu dange itadi tumbula omadina avo.+
5 Jehova oye oshitukulwa shange, oshipambuliko shange, osho nda pewa,+ neholo lange.+
Oto amene efyuululo lange.
6 Onda tendelwa eenhele diwa.
Heeno, onda wanenwa kefyuululo lange.+
7 Ohandi tange Jehova, oo a pa nge omayele.+
Nokuli noufiku, omadiladilo ange omoule* ohaa pukulula nge.+
8 Ohandi kaleke alushe Jehova moipafi yange.+
Molwaashi oku li kolulyo lange, itandi tengauka nandenande.*+
9 Onghee omutima wange owa nyakukwa, ounhu wange aushe* owa hafa.
Nohandi kala* meameno.
10 Osheshi ito ka efa nge* ndi kale mOmbila.*+
Ito ka efa omudiinini woye a mone elambo.*+
11 Owa shiivifila nge ondjila yomwenyo.+
Okukala moipafi yoye* ohashi eta enyaku linene;+Keke loye lokolulyo oku na ehafo* fiyo alushe.
Omashangelo opedu
^ Tala Omafatululo oitya.
^ Ile “omaliudo ange omoule.” Eln., “eefiyo dange.”
^ Ile “itandi pungauka nandenande (funga).”
^ Eln., “efimano lange.”
^ Ile “Nombelela yange oi li.”
^ Ile “efa omwenyo wange.”
^ Ile “mo-Sheol,” sha hala okutya, koufi. Tala Omafatululo oitya.
^ Ile tashi dulika, “a olele mo.”
^ Eln., “koshipala shoye.”
^ Ile “ouwa.”
