Epsalme 74:1-23
Omaskil.* Epsalme laAsaf.+
74 Akutu! Kalunga, omolwashike we tu liteeka po fiyo alushe?+
Omolwashike wa handukila unene eedi doufita* woye?+
2 Dimbuluka ovanhu* ovo we lihoololela okudja nale,+Epata olo wa kulila li li efyuululo loye.+
Dimbuluka Omhunda yaSion, oko wa li ho di.+
3 Inda konhele yoikulukuma, oyo tai kala po alushe.+
Omutondi okwa hanauna po ashishe osho shi li monhele iyapuki.+
4 Ovatondi voye otava ingida meni lonhele yoye yokwoongalela.*+
Ova dika ko omapandela avo e li omadidiliko.
5 Ova li va fa ovanhu va yelulila omakuva omufitu wa fita.
6 Ova tataula po nomakuva oinima aishe oyo ya hokelwa mo+ nosho yo oihakifo yoshivela shilaula.
7 Ova xwika po onhele yoye iyapuki.+
Ova nyateka etwalihangano lokufimanekifila edina loye, noku li ekela pedu.
8 Vo noludalo lavo ove lipopila momitima davo tava ti:
“Eenhele adishe dokwoongalela daKalunga* domoshitukulwa odi na okuxwikwa po.”
9 Kape na vali omadidiliko oo hatu dulu okumona;Kape na vali nande omuprofeti,Nokape na umwe mokati ketu e shi shii kutya eshi otashi ka kwata efimbo li fike peni.
10 Akutu! Kalunga, fiyo onaini omutondi ta kala nokusheka?+
Mbela omutondi ota ka ungaunga nedina loye nokuhe na efimaneko fiyo alushe?+
11 Omolwashike wa mweneka eke loye, eke loye lokolulyo?+
Li kufa mo monghwapa yoye,* ndele to va xulifa po.
12 Ashike Kalunga oye Ohamba yange okudja nalenale,Oo ta longo oilonga yexupifo kombada yedu.+
13 Owe linyengifa efuta neenghono doye;+Owa nyanyaulila momeva omitwe doinamwenyo inene yomefuta.
14 Owa nyanyaula omitwe daLeviatan;*Owe di yandja di li oikulya kovanhu, kovakalimo vomombuwa.
15 Owa panuna eefifiya nosho yo omakungulukilo omeva;+Owa pwiininika omilonga, odo hadi kunguluka alushe.+
16 Omutenya owoye, noufiku owoye.
Owa shita ouyelele* nosho yo etango.+
17 Owa tula po eengaba adishe dedu;+Owa eta po okwenye nosho yo okufu.+
18 Alikana! Jehova, dimbuluka omasheko omutondi,Nghee ovanhu omalai hava ungaunga nedina loye nopehe na efimaneko.+
19 Onghalamwenyo* yonghuti yoye yetende ino i efela koifitukuti.
Ino dimbwa onghalamwenyo yovafininikwa voye fiyo alushe.
20 Dimbuluka ehangano,Osheshi eenhele domilaulu kombada yedu, oda ninga eenhele dokuhondama ovalongi vominyonena.
21 Omufininikwa ina dja po a nyemata;+Omudinwa nosho yo ohepele nava tange edina loye.+
22 Alikana! Kalunga, fikama, ndele to lipopile moihokolola.
Dimbuluka nghee omalai a kala tae ku sheke efimbo alishe.+
23 Ino dimbwa osho ovatondi voye tava popi.
Omaweelelo aavo ihava dulika kwoove otaa i pombada alushe.
