Epsalme 138:1-8
Epsalme laDavid.
138 Ohandi ku tange nomutima wange aushe.+
Moipafi yookalunga vamwe,Ohandi ku imbile omaimbilohambelelo.*
2 Ohandi linyongamene nda taalela otembeli yoye iyapuki,*+Nohandi tange edina loye+Omolwohole yoye i na oudiinini nosho yo oudiinini woye.
Osheshi owa tumbalekifa ondjovo yoye nosho yo edina loye kombada yoinima aishe.*
3 Mefiku olo nda ifana, owa nyamukula nge;+Owa nyatipalifa nge* nokupameka nge.+
4 Akutu! Jehova, eehamba adishe dokombada yedu otadi ke ku tanga,+Osheshi otadi ka uda omaudaneko oo wa popya.
5 Otadi ka imba kombinga yeendjila daJehova,Osheshi efimano laJehova olinene.+
6 Nonande Jehova oku li pombada, oha yandje elitulemo kovalininipiki,+Ndele ovalinenepeki oku va shile ashike kokule.+
7 Nokuli nongeenge handi ende mokati koshiponga, oto kaleke nge nomwenyo.+
Oto nanene eke loye kovatondi vange, ovo va handuka;Eke loye lokolulyo otali xupifa nge.
8 Jehova ota ka wanifa po oinima aishe ponhele yange.
Akutu! Jehova, ohole yoye i na oudiinini otai kala po fiyo alushe;+Ino efa oilonga yomake oye.+
