Epsalme 79:1-13
Eimbilo laAsaf.+
79 Akutu! Kalunga, oiwana oya ponokela efyuululo loye;+Oya nyateka otembeli yoye iyapuki;+Oya ninga Jerusalem onduba yoikulukuma.+
2 Oya yandja oimhu yovapiya voye onga oikulya keedila dokeulu,Nombelela yovadiinini voye koifitukuti yokombada yedu.+
3 Oya tilashi ohonde yavo, ngaashi omeva a dingilila Jerusalem,Nokape na oo a xupa po e va pake.+
4 Otwa ninga oshinima shidinifa kovashiinda shetu;+Ovo ve tu dingilila otave tu sheke noku tu lengaifa.
5 Akutu! Jehova, fiyo onaini to kala wa handuka? Mbela ofiyo alushe?+
Fiyo onaini ehandu loye tali kala la xwama ngaashi omundilo?+
6 Onya yoye i tila kombada yoiwana oyo ihe ku shiiNokomauhamba oo ihaa ifana edina loye.+
7 Osheshi oya xwaka po Jakob,Noya mbuwapaleka eduumbo laye.+
8 Ino tu valulila omanyono ootatekulululwa.+
Tu fila onghenda diva,+Osheshi otwa ninipikwa neenghono.
9 Alikana! Kalunga kexupifo letu, tu kwafela+Omolwedina loye la tumbala;Tu xupifa nokudima po* omanyono etu omolwedina loye.+
10 Omolwashike oiwana i na okutya: “Kalunga kavo oku li peni?”+
Nashi shiivike mokati koiwana moipafi yetuKutya ohonde yovapiya voye, oyo ya tika, oya pulwa ko.+
11 Uda okutwa omadima kwomunadolongo.+
Longifa eenghono* doye dinene u xupife* ovo va tokolelwa efyo.*+
12 Shunifila ovashiinda shetu lwoikando i dulife puiheyali,+Omolwomasheko oo ve ku sheka, akutu! Jehova.+
13 Opo nee fye, ovanhu voye nosho yo oufita womoulifilo woye,+Ohatu ke ku pandula fiyo alushe;Nohatu ka shiivifa efimano loye okudja kepupi fiyo okepupi.+
